பகாங் மற்றும் சரவாக்கில் வெள்ளத்தால் பாதிக்கப்பட்டவர்களின் எண்ணிக்கை சற்று அதிகரித்தது, அதே நேரத்தில் ஜொகூரில் இன்று காலை நிலவரப்படி மொத்தம் 1,538 பேர் பாதிக்கப்பட்டுள்ளனர்.

பகாங்கில், ரௌப் மாவட்டத்தில் வெள்ளத்தால் பாதிக்கப்பட்டவர்களின் எண்ணிக்கை இன்று காலை 17 குடும்பங்களைச் சேர்ந்த 83 பேராக அதிகரித்துள்ளது, நேற்று மாலை 15 குடும்பங்களைச் சேர்ந்த 74 பேராக இருந்தது.

சமூக நலத்துறையின் இன்ஃபோபென்கானா போர்ட்டலின்படி(Infobencana portal), பாதிக்கப்பட்ட அனைவரும் செகோலா கெபாங்சான் உலு அடோக்கில்(Sekolah Kebangsaan Ulu Atok) உள்ள தற்காலிக வெளியேற்ற மையத்தில் தங்க வைக்கப்பட்டனர்.

இதற்கிடையில், பகாங் முழுவதும் உள்ள முக்கிய நதி நிலையங்களில் நீர் மட்ட அளவீடுகள் இன்னும் அபாய அளவைவிடக் குறைவாக இருப்பதாக நீர்ப்பாசன மற்றும் வடிகால் துறை வலைத்தளம் காட்டியது.

சரவாக்கில், நேற்று இரவு 338 குடும்பங்களைச் சேர்ந்த 1,320 பேருடன் ஒப்பிடும்போது, ​​இன்று காலை 7 மணி நிலவரப்படி, 342 குடும்பங்களைச் சேர்ந்த வெள்ளத்தால் பாதிக்கப்பட்டவர்களின் எண்ணிக்கை 1,343 ஆக அதிகரித்துள்ளதாகக் கூறப்படுகிறது.

சரவாக் மாநில பேரிடர் மேலாண்மைக் குழு, ஒரு அறிக்கையில், மஸ்ஜித் தாருல் இஸ்திக்லால், கூச்சிங் மற்றும் எஸ்.ஜே.கே.சி சுங் ஹ்வா, லாவாஸ் ஆகிய இடங்களில் உள்ள தற்காலிக வெளியேற்ற மையங்களில் பாதிக்கப்பட்டவர்களின் எண்ணிக்கை அதிகரித்துள்ளதாக அறிவித்துள்ளது.

அறிக்கையின்படி, மற்ற ஒன்பது மையங்களில் பாதிக்கப்பட்டவர்களின் எண்ணிக்கை மாறாமல் உள்ளது, அதாவது ஸ்டாபோக் சமூகக் கூடம், ஆர்-பியாங் ஹால் கம்பூங் சினார் புடி பாரு, சுராவ் அர்-ரஹ்மான் கம்பூங் சுங்கை பது, சுராவ் நூருல் நஜின் ஸ்டாபோக், தாமன் எஸ்.ஜே.கேடு ச்ஹுங் ஹுங். காவா, கோட்டா சமரஹான் சிவிக் ஹால் மற்றும் ட்ரூசன் சமூக மண்டபம்(Stapok Community Hall, R-Piang Hall Kampung Sinar Budi Baru, Surau Ar-Rahman Kampung Sungai Batu, Surau Nurul Najhin Stapok, Taman Malihah Multipurpose Hall, SJK Chung Hua Sungai Tengah, SJK Chung Hua Batu Kawa, Kota Samarahan Civic Hall, and Trusan Community Hall)

மூவார் நதி அபாயக் கட்டத்தைத் தாண்டியது

ஜொகூரில், 31 குடும்பங்களைச் சேர்ந்த மொத்தம் 112 பாதிக்கப்பட்டவர்கள் இன்னும் தற்காலிக வெளியேற்ற மையங்களில் தங்க வைக்கப்பட்டுள்ளனர், நேற்று 36 குடும்பங்களைச் சேர்ந்த 134 பேர் பாதிக்கப்பட்டனர்.

ஜொகூர் மாநில பேரிடர் மேலாண்மைக் குழுவின் தலைவர் அஸ்மான் ஷா அப்துல் ரஹ்மான் கூறுகையில், செகாமட்டில் ஐந்து மையங்கள் இன்னும் செயல்பட்டு வருகின்றன, அவற்றில் 12 குடும்பங்களைச் சேர்ந்த 40 பாதிக்கப்பட்டவர்களைத் தங்க வைத்திருந்த கம்போங் பத்து படாக் சமூக மையம் மற்றும் கம்போங் தாசெக் பல்நோக்கு மண்டபம் (ஐந்து குடும்பங்களைச் சேர்ந்த 18 பாதிக்கப்பட்டவர்கள்) ஆகியவை அடங்கும்.

மற்ற மூன்று மையங்கள் கம்போங் சங்லாங் சமூக மையம் (நான்கு குடும்பங்களைச் சேர்ந்த 14 பேர் பாதிக்கப்பட்டனர்), கோலா பாயாச் சமூக மையம் (ஐந்து குடும்பங்களைச் சேர்ந்த 23 பேர் பாதிக்கப்பட்டனர்), மற்றும் கம்போங் டான்டோங் பல்நோக்கு மண்டபம் (ஐந்து குடும்பங்களைச் சேர்ந்த 17 பேர் பாதிக்கப்பட்டனர்) என்று அவர் கூறினார்.

“இன்று காலை நிலவரப்படி, மலேசிய வானிலை ஆய்வு மையத்தால் இடியுடன் கூடிய மழை எச்சரிக்கை எதுவும் வெளியிடப்படவில்லை. இருப்பினும், செகாமட் மாவட்டத்தில் மழை பெய்ததாகவும், ஜொகூர் பாரு மற்றும் மெர்சிங் மேகமூட்டமாகவும், மற்ற மாவட்டங்களில் வெயிலாகவும் இருந்ததாகவும் தெரிவிக்கப்பட்டுள்ளது.

“மூவார் ஆறு (Muar River), செகாமட், புலோ காசாப்பில் (Buloh Kasap) 8.53 மீட்டர் அளவை எட்டியுள்ளது, இது அபாயக் கட்டத்தைத் தாண்டியுள்ளது. அதே நேரத்தில், சுங்கை தெக்காம் ஜிட்டியில் (Sungai Tekam Jetty) உள்ள தெக்காம் ஆறு 3.99 மீட்டர் அளவில் எச்சரிக்கை மட்டத்தில் உள்ளது,” என்று அவர் ஒரு அறிக்கையில் தெரிவித்துள்ளார்.