இன்று பிற்பகல் கிள்ளான் பள்ளத்தாக்கின் பல பகுதிகளில் பெய்த கனமழையைத் தொடர்ந்து ஏற்பட்ட திடீர் வெள்ளத்தில் எட்டு வாகனங்கள் சிக்கிக்கொண்டன.
ஜாலான் அவான் கெச்சில், ஜாலான் கிள்ளான் லாமா நோக்கிச் செல்லும் ஜாலான் கூச்சாய் லாமா மற்றும் கோலாலம்பூர்-சிரம்பான் நெடுஞ்சாலை சுரங்கப்பாதை ஆகிய மூன்று வெவ்வேறு இடங்களிலிருந்து அவசர அழைப்புகள் வந்ததாக கோலாலம்பூர் தீயணைப்பு மற்றும் மீட்புத் துறை தெரிவித்தது.
மாலை 4:22 மணியளவில் வந்த அழைப்பைத் தொடர்ந்து, ஸ்ரீ பெட்டாலிங் நிலையத்தைச் சேர்ந்த தீயணைப்பு வீரர்கள் மாலை 4:30 மணிக்கு ஜாலான் அவான் கெச்சில் பகுதிக்குச் சென்றனர்; அங்கு ஐந்து கார்கள் வெள்ளத்தில் சிக்கியிருந்தது கண்டறியப்பட்டது.
மாலை 4 மணியளவில் ஜாலான் கூச்சாய் லாமாவில் மேலும் இரண்டு கார்கள் வெள்ளத்தில் சிக்கின; தகவல் கிடைத்த ஐந்து நிமிடங்களில் செபுத்தே தீயணைப்பு நிலைய ஊழியர்கள் அங்கு விரைந்தனர்.
மாலை 4:40 மணியளவில் ஸ்ரீ பெட்டாலிங் நோக்கிச் செல்லும் சுரங்கப்பாதைக்குள் சிக்கித் தவித்த ஒரு கார், மாலை 4:50 மணிக்கு அங்கு வந்தடைந்த புக்கிட் ஜாலில் நிலைய தீயணைப்பு வீரர்களால் மீட்கப்பட்டது.
இந்தச் சம்பவத்தில் உயிரிழப்புகளோ அல்லது காயங்களோ ஏற்படவில்லை.
முன்னதாக இன்று, ஒன்பது மாநிலங்கள் மற்றும் கோலாலம்பூர், புத்ராஜெயா, லாபுவான் ஆகிய கூட்டரசுப் பிரதேசங்களின் பல பகுதிகளில் மாலை 5 மணி வரை இடியுடன் கூடிய கனமழை மற்றும் பலத்த காற்று வீசக்கூடும் என வானிலை ஆய்வு மையம் எச்சரிக்கை விடுத்திருந்தது.
-fmt
