டி.ஏ.பி பொதுச்செயலாளர் லோக் சியூ போக் மற்றும் நெகிரி செம்பிலான் PH தலைவர் அமினுத்தீன் ஹாரூன் ஆகியோர் முறையே சென்னா, லிங்கி ஆகிய தொகுதிகளில் தோல்வியடைந்தனர்.

டிஏபி (DAP) பொதுச்செயலாளர் லோக் சியூ ஃபூக் மற்றும் நெகிரி செம்பிலான் பிஎச் (PH) தலைவர் அமினுத்தீன் ஹாரூன் ஆகியோரின் தோல்விகள், அந்தக் கூட்டணிக்கு பெரும் பின்னடைவை ஏற்படுத்தியுள்ளன.

நெகிரி செம்பிலான் மாநிலத் தேர்தலின் இன்றிரவு வெளியான அதிகாரப்பூர்வமற்ற முடிவுகளின்படி, டிஏபி (DAP) பொதுச் செயலாளர் லோக் சியூ ஃபூக் (Loke Siew Fook) மற்றும் பகத்தான் ஹராப்பான் (PH) மாநிலத் தலைவர் அமினுத்தீன் ஹரூன் (Aminuddin Harun) ஆகியோர் எதிர்பாராத வகையில் தோல்வியடைந்துள்ளனர்.

சென்னா (Chennah) தொகுதியில் நடைபெற்ற நேரடி போட்டியில், நெகிரி செம்பிலான் எம்சிஏ (MCA) இளைஞர் பிரிவு தலைவர் சியோவ் காங் சுன் (Siow Kong Chun) வெற்றி பெற்றதாகத் தெரிவிக்கப்பட்டுள்ளது. தனது தோல்வியை லோக் ஏற்றுக்கொண்டதாகவும் கூறப்படுகிறது. மூன்று முறை தொடர்ந்து இந்தத் தொகுதியை பிரதிநிதித்துவப்படுத்தியதுடன், டிஏபியின் தேசியத் தலைவராக இருக்கும் லோக்கின் தோல்வி பெரும் அதிர்ச்சியாகக் கருதப்படுகிறது.

நெகிரி செம்பிலானில் உள்ள கட்சியின் தலைமையகத்தில் பேசிய அம்னோ (UMNO) பொதுச் செயலாளர் அஸ்ராஃப் வாஜ்டி துசுகி (Asyraf Wajdi Dusuki), PH – இன் வலுவான இரண்டு தொகுதிகளை பாரிசான் நேஷனல் (BN) கைப்பற்றியதாக அறிவித்தார். அவற்றில் ஒன்று சென்னா தொகுதி.

மற்றொரு தொகுதியான லிங்கி (Linggi)யில், இரண்டு தவணைகள் மந்திரி பெசாராக  பதவி வகித்த அமினுத்தீன் ஹரூன், BN வேட்பாளர் பைசல் ரம்லி (Faizal Ramli)யிடம் தோல்வியடைந்ததாக பெர்னாமா செய்தி நிறுவனம் தெரிவித்துள்ளது.

2008 முதல் நான்கு முறை சிகாமாட் (Sikamat) தொகுதியை பிரதிநிதித்துவப்படுத்திய அமினுத்தீன், இந்தத் தேர்தலில் லிங்கி தொகுதிக்குத் மாற்றப்பட்டிருந்தார். ஆனால் அது பாரிசான் நேஷனலின் பாரம்பரிய கோட்டையாக இருப்பதால், அவரால் வெற்றி பெற முடியவில்லை.

1959 முதல் அலையன்ஸ் (Alliance) (பாரிசான் நேஷனலின் முன்னோடி கூட்டணி) மற்றும் பின்னர் பாரிசான் நேஷனல் ஆகியவற்றின் கட்டுப்பாட்டிலேயே லிங்கி தொகுதி இருந்து வந்துள்ளது. 1971-ஆம் ஆண்டு மட்டும் அந்தத் தொகுதியை டிஏபி வென்றிருந்தது.

2023ஆம் ஆண்டு, அம்னோ (UMNO) உச்ச மன்ற உறுப்பினரும் போர்ட் டிக்சன் பிரிவுத் தலைவருமான பைசல் அந்தத் தொகுதியில் வெற்றி பெற்று தேர்ந்தெடுக்கப்பட்டார். அதன் பின்னர், பிஎன் (BN) தலைமையிலான கூட்டணி, பிஎச் (PH) தலைமையிலான மாநில அரசில் கூட்டணி இணைந்ததைத் தொடர்ந்து, அவர் அமினுத்தீனின் மாநில நிர்வாகக் குழு (Executive Council) உறுப்பினராகவும் நியமிக்கப்பட்டார்.