கடந்த மே மாதம் அமைச்சர்களாகவும், துணையமைச்சர்களாகவும் நியமிக்கப்பட்ட ஐவரின் நியமனங்கள் அரசமைப்புச் சட்டத்திற்கு முரணானவை. ஆகவே அந்நியமனங்கள் ரத்து செய்யப்பட வேண்டும் என்று கோரும் வழக்கை டிஎபி ஈப்போ பாரட் நாடாளுமன்ற உறுப்பினர் எம். குலசேகரன் கோலாலம்பூர் உயர்நீதிமன்றத்தில் இன்று காலை மணி 10.00 அளவில் பதிவு செய்தார்.
இந்த வழக்கின் வாதியான எம்.குலசேகரன் அமைச்சர்களாக நியமிக்கப்பட்டுள்ள அப்துல் வாஹிட் ஒமார், பால் லோ செங் குவான் மற்றும் துணையமைச்சர்களாக நியமிக்கப்பட்டுள்ள வேதமூர்த்தி பொன்னுசாமி, டாக்டர் லோக பால மோகன் ஜகநாதன் மற்றும் அட்மட் பாஷா முகமட் ஹனிபா ஆகியோரை இவ்வழக்கில் பிரதிவாதியாக பெயர் குறிப்பிட்டுள்ளார்.
இவ்வழக்கில் பெயர் குறிப்பிடப்பட்டுள்ள இரு அமைச்சர்கள் மற்றும் மூன்று துணையமைச்சர்கள் ஆகியோரின் நியமனங்கள் அரசமைப்புச் சட்டம் பிரிவுகள் 43 மற்றும் 43A ஆகியவற்றுக்கு முரணானவை. ஆகவே, அவர்களின் நியமங்கள் ரத்து செய்யப்பட வேண்டும் என்பது தாம் தொடர்ந்துள்ள வழக்கின் சாரம் என்று இன்று காலையில் இந்த வழக்கை பதிவு செய்த பின்னர் செய்தியாளர்களிடம் பேசிய குலசேகரன் கூறினார்.
மே 15, 2013 இல் செய்யப்பட்ட இந்த நியமங்கள் செல்லுபடியாகாது என்பதோடு அந்த ஐவரும் இதுவரையில் பெற்ற ஊதியங்கள், சலுகைகள் மற்றும் இதர அனுகூலங்கள் ஆகியவற்றை அவர்கள் மலேசிய அரசாங்கத்திடம் திருப்பித்தர வேண்டும் என்றும் அவர் கூறினார்.
டிண்டிங்க்ஸ் இந்திய சங்க நிலவிவகாரத் நீதி மன்றதிற்கு கொண்டு போவேன் என்று அன்று நீங்கள் சொன்னதை மறந்து விடாதீர்கள் .அதையும் சற்று கவனிக்கவும் .
குலா அவர்களே,
இவையெல்லாம் காரியத்துக்கு ஆகாத வீண்வேலைகள். பலன் ஒன்றும் ஏற்படப் போவதில்லை. உங்களின் நேரத்தை இப்படி செலவு செய்வதைவிட உங்கள் தொகுதி மக்களுக்கு இன்னும் கூடுதலாக என்ன செய்ய முடியும், இந்நாட்டு இந்தியர்களுக்கு இன்னும் என்ன செய்யலாம் என்பது பற்றி யோசனை செய்து அமல்படுத்தினால் கோடி புண்ணியம் உண்டு.
இனி செலவு செய்து தேர்தல் நடத்தி நேரத்தை வீணாடிப்பதை தவிர்த்து ,நேரடியாக அமைச்சர்களை நியமிப்பது நல்லது.
தேர்தலில் நின்னு எம் .பியாக ஜெயித்து வந்தவனுக்கு எல்லாம் எந்த அமைச்சர் பதவியும் இல்லாத போது சும்மா வெளியே நிக்கிறவனுக்கு அமைச்சர் பொறுப்புகள் எதற்கு கொடுக்குனும் அவர்களுக்கு செனட்டர் பதவி கொடுத்து விட்டு போகலாமே?
வேதா 5ஆம் தேதி செனட்டராக பதவி ஏற்ற பிறகு துணை அமைச்சராக பதவிபிரமாணம் எடுத்தார் என்று பத்திரிக்கைகளில் வந்ததே குலா அதனை படிக்க வில்லையோ? மெத்த படித்த வழக்கறிஞர் மற்றும் நீண்ட நாள் அரசியல்வாதி இப்படி விஷயம் தெரியாமல் பேசலாமா? இப்படி இன்னும் எத்தனை விசயங்களில் மக்களை குழப்பினாரோ?
இது எல்லாம் அரசியலில் சகஜம்பா!!!!!
சட்டப்படி இது தவறாக இருக்கலாம். ஆனால் சட்டமும் அவர்களுக்குச் சாதகமாகத் தான் இருக்கும்.நீதிமன்றங்கள் அனைத்தும் அம்னோவின் கட்டுப்பாட்டில்! வேறு என்ன எதிர்பார்க்க முடியும்? ஆனாலும் வேறு ஒன்றையும் கவனிக்க வேண்டும். இது போன்ற வழக்குகளை இந்தியர்களே செய்கிறார்கள். ஏன் மற்ற இன வழக்கறிஞர் ஒருவரும் இல்லையா? நமக்கோ நிறைய பிரச்சனைகள். மெட்ரிகுலேஷன் பிரச்சனை தீர்த்த பாடில்லை.பேராக்கில் 2000 ஏக்கர் நிலம் இருக்கிறதோ இல்லையோ, காணாமல் போய்விட்டதோ தெரியவில்லை. சபாநாயகர் பதவி காணாமல் போய்விட்டது போல இதுவும் காணாமல் போயிருக்கும் தானே!