ஏர் ஏசியா பெண் ஊழியர்கள் அணியும் சீருடைகள் பற்றிக் கருத்துச் சொல்லும்  அரசியல்வாதிகள் பெரிய தோற்றத்தை பார்க்க வேண்டும் என ஏர் ஏசியா குழும  தலைமை நிர்வாக அதிகாரி டோனி பெர்னாண்டஸ் ஆலோசனை கூறியுள்ளார்.

“நாங்கள் உண்மையில் உலக மயமாக வேண்டும் என நீங்கள் விரும்பினால்  ஒவ்வொரு அரசியல்வாதியும் அவ்வாறு சொன்னால், நீங்கள் எங்களுக்கு ஆதரவு  அளிக்க வேண்டும். நமது கரைகளுக்கு அப்பாலும் நமது பண்பாட்டு  உணர்வுகளுக்கு அப்பாலும் நீங்கள் பார்க்க வேண்டும்,” என அவர்  சொன்னார்.

சிவப்பு நிற மேலாடையையும் குட்டைப் பாவாடையையும் கொண்ட அந்தச்  சீருடையை உண்மையில் ஊழியர்களே வடிவமைத்தனர் என்றும் அவர் சொன்னார்.

அந்தச் சீருடை குறித்து நாடாளுமன்றத்தில் இரு தரப்பு அரசியல்வாதிகளும்  பலமுறை பேசியுள்ளனர். அந்தப் பாவாடை ‘மிகவும் குட்டையாக’ இருப்பதாகவும்  சீருடை ‘மிகவும் செக்ஸியாக’ இருப்பதாகவும் அவர்கள் குறிப்பிட்டுள்ளனர்.

டோனி பெர்னாண்டஸ் பெமாண்டு ஏற்பாடு செய்த குளோபல் மலேசியா தொடர்  உரையில் பேசினார்.