மலேசியரிடையே  1மலேசியா கோட்பாட்டைப் பதிய வைக்கும்  அரசாங்கத்தின்  முயற்சி எதிர்மறையான  விளைவுகளை ஏற்படுத்தியுள்ளது  என்கிறார் ஜனநாயக, பொருளாதார விவகாரக் கழக தலைமை செயல் அதிகாரி சைபுல் வான் ஜான்.

ஒற்றுமையை வலுப்படுத்தி இருக்க வேண்டிய  1மலேசியா கோட்பாடு அன்பளிப்புகளை வழங்கும் நிகழ்வாக மாறியுள்ளது என்றாரவர்.

“அப்படித்தான் அது மாறிவிட்டது.  அது  வாக்காளர்களுக்கு கையூட்டு கொடுக்கும் வழிமுறையாக மாறி இருப்பது அவப்பேறானது.

“அது  1மலேசியா என்ற பெயரில் அரசாங்கம் கொடுக்கும் இலவசங்களை நம்பி இருக்கும் சமுதாயமாக மலேசியர்களை  மாற்றி  இருக்கிறது”, என சைபுல், மலேசிய மாணவத் தலைவர்களின் 7-வது உச்சநிலை மாநாட்டில் கூறினார்.