இந்திய மலேசியர்களிடையே குண்டர்தனம் பெரும் பிரச்னையாக உருவாகி வருகிறது என்று கூறிய பிரதமர்துறை துணை அமைச்சர் பி.வேதமூர்த்தி, வன்முறையைக் கையாண்டு அதற்குத் தீர்வுகாண முடியாது என்றார்.

பினாங்கில் ஐந்து இளைஞர்கள் சுட்டுக்கொல்லப்பட்டதைக் கண்டித்திருந்த அவரைக் குறைகூறுவோருக்குப் பதிலளிக்கும் வகையில்   அறிக்கை  வெளியிட்டிருக்கும்   வேதமூர்த்தி,  “நிலைகெட்டுப்போன இளைஞர்களைச் சுட்டுத்தள்ளுவதுதான் இதற்குத் தீர்வு என்று சொல்கிறார்களா?”, என  வினவியுள்ளார்.

இப்பிரச்னையால் இந்தியர்களிடையே ஏற்பட்டுள்ள சரிவைத் தடுக்க ஆக்ககரமான வழிமுறைகள் தேவை என்றாரவர்.