அரசாங்கம் ட்ரேன்ஸ்-பசிபிக் கூட்டு ஒப்பந்தத்தின் உள்ளடக்கத்தைப் பொதுமக்களுக்குத் தெரியப்படுத்த வேண்டும்.

“அது மலேசிய மக்கள் சம்பந்தப்பட்டது என்பதால் அரசாங்கம் அதை இரகசியமாக வைத்திருக்கக் கூடாது”, என முன்னாள் பிரதமர் டாக்டர் மகாதிர் முகம்மட் கூறினார்.

“அதைக் கமுக்கமாக  வைத்திருக்கிறார்கள் என்றால்   அந்த ஒப்பந்தத்தில் பொதுமக்கள் அறியக்கூடாத விசயங்கள் இருக்கின்றன  என்றுதான் பொருள்”,  என்றாரவர்.  அந்த ஒப்பந்தத்தை முழுமையாக தெரிந்து வைத்திருப்பவர் மகாதிர்.

“அது நம்  இறக்குமதியை அதிகரித்து ஏற்றுமதியைக் குறைக்கும்.  நமக்கு  அது நல்லதல்ல.  அதில் கையொப்பம் இடக்கூடாது என்று அரசாங்கத்தை மறைமுகமாகக் கேட்டுக்கொள்கிறேன்”, என்றவர் சொன்னார்.