தேசியக் கொடி ஜாலுர் கெமிலாங்கின் விலை ஒரு பாக்கெட் சிகரட் விலையை  விடக் குறைவாக இருந்த போதிலும் அதனைப் பறக்க விடுவதற்கான ஆர்வம்  மக்களிடையே குறைந்து வருகின்றது என அரசாங்கத்துக்கான சமூக விவகார,  பண்பாட்டு ஆலோசகர் ராயிஸ் யாத்திம் கூறுகிறார்.

தேசியக் கொடியைப் பறக்க விடுவது நாட்டுப் பற்றைக் காட்டுவதற்கான ஒரு வழி  என்பதால் ஆர்வம் குறைந்து வரும் நிலை வருத்தமளிப்பதாக உள்ளது என அவர்  சொன்னார்.

மக்களிடையே குறிப்பாக நகரங்களில் வாழும் மக்களிடையே அத்தகைய  உணர்வுகள் குறைவாக இருப்பது தான் முக்கியப் பிரச்னை என்றார் ராயிஸ்.

அவர் அனைத்துலக இஸ்லாமிய பல்கலைக்கழகத்தில் நிகழ்ச்சி ஒன்றில் கலந்து  கொண்ட பின்னர் நிருபர்களிடம் பேசினார்.