மலேசியத் திரைப்படங்களில் மிகுந்த சர்ச்சைக்குள்ளான படம் ‘தாண்டா புத்ரா’ என்பதில் ஐயமில்லை. சர்ச்சையின் காரணமாகவே பரவலான விளம்பரமும் கிடைத்தது அப்படத்துக்கு.

ஓர் ஆண்டுக்கு மேலாக வெளியிடாமல் வைத்திருந்து இறுதியில் ஆகஸ்ட் 29-இல், திரையிடப்பட்ட அப்படம், முதல் வாரத்தில் நல்ல வசூலைக் கண்ட 10 படங்களின் வரிசையில் 6-வது இடத்தில் இருந்தது. ஆனால், இரண்டாவது வாரத்தில் அந்த இடத்தைத் தக்கவைத்துக்கொள்ள அதனால் முடியாது போயிற்று.

நேற்று, சினிமாஆன்லைன்  வெளியிட்டிருந்த  (செப்டம்பர் 5- செப்டம்பர் 11)  நல்ல வசூலைப் பெற்ற படங்களின் வரிசையில் அதன் பெயர் இல்லை.

மறுபுறம் உள்ளூர் தயாரிப்பான ‘KL Zombi’திரைப்படம் இரண்டாவது இடத்தைப் பெற்று வசூலில் சக்கைப் போடு போட்டுக்கொண்டிருக்கிறது.