ஜாலான் சிலாம் (Jalan Silam) சாலையின் 50 மீட்டர் பகுதி சரிந்து விழுந்ததைத் தொடர்ந்து, தற்போது தவாவ் (Tawau) அல்லது லஹாட் டத்து (Lahad Datu) ஆகிய இடங்களுக்குச் செல்ல மாற்றுப் பாதை எதுவும் இல்லை.

“சாலை இடிந்து விழுந்ததில் வாகனங்கள் அப்பகுதியில் சிக்கித் தவிப்பதைக் காட்டும் பல புகைப்படங்கள் இணையத்தில் வைரலாகி வருகின்றன.”

லஹாடு டத்து மற்றும் தவாவ் ஆகிய இடங்களை இணைக்கும் முக்கிய சாலை, இங்குள்ள ஜாலான் சிலாமின் 50 மீட்டர் பகுதி இரு திசைகளிலும் இடிந்து விழுந்ததை அடுத்து இன்று மாலை துண்டிக்கப்பட்டது.

லஹாடு டத்து மாவட்ட அதிகாரி ஃபிருஸ் இட்சுவால்தீன் @ பெனெட்டி சுல் கூறுகையில், இந்த சாலை தற்காலிகமாக செல்ல முடியாத நிலையில் உள்ளது என்றும், தற்போது தவாவ் அல்லது லஹாடு டத்து ஆகிய இடங்களுக்குச் செல்ல மாற்றுப் பாதை எதுவும் இல்லை என்றும் தெரிவித்தார்.

பொதுப்பணித்துறை தற்காலிக மாற்றுப் பாதையை அமைக்கும் என்று அவர் கூறியதாக பெர்னாமா செய்தி நிறுவனம் தெரிவித்துள்ளது.

சாலையைப் பயன்படுத்துபவர்கள் எச்சரிக்கையுடன் இருக்குமாறும், சம்பவ இடத்தில் அதிகாரிகள் பிறப்பிக்கும் உத்தரவுகளைப் பின்பற்றுமாறும் அவர் அறிவுறுத்தினார்.

சரிந்த சாலையின் பல புகைப்படங்களும் சமூக வலைதளங்களில் வைரலாகப் பரவி வருகின்றன. அவற்றில் அந்த பகுதியில் வாகனங்கள் சிக்கித் தவிப்பதும் காணப்படுகிறது.