சுகாதார அமைச்சர் சுல்கேப்லி அஹ்மத் கூறுகையில், இன்று முன்னதாக சரவாக்கில் விபத்துக்குள்ளான ஹெலிகாப்டரில் ஒரு மருத்துவ அதிகாரி, ஒரு உதவி மருத்துவ அதிகாரி மற்றும் இரண்டு செவிலியர்கள் இருந்ததாகத் தெரிவித்தார்.

சுகாதார அமைச்சர் டாக்டர்  சுல்கேப்ளி அஹ்மத், இந்தச் சம்பவம் குறித்து ஊகங்களை வெளியிடுவதையோ அல்லது சரிபார்க்கப்படாத தகவல்களைப் பகிர்வதையோ தவிர்க்குமாறு பொதுமக்களுக்கு அறிவுறுத்தினார்.

சுகாதார அமைச்சர் டாக்டர் சுல்கேப்ளி அஹ்மத் கூறுகையில், இன்று முன்னதாக சரவாக்கில் விபத்துக்குள்ளான BO-105 ரக ஹெலிகாப்டரில் பயணித்த நான்கு சுகாதாரப் பணியாளர்கள் மற்றும் விமானியின் நிலைமை குறித்த தகவல் இன்னும் தெரியவில்லை என்று தெரிவித்துள்ளார்.

அந்த நான்கு பயணிகளில் ஒரு மருத்துவ அதிகாரி, ஒரு உதவி மருத்துவ அதிகாரி மற்றும் இரண்டு தாதியர்கள் இருந்ததாக அவர் தெரிவித்தார்.

“அமைச்சகம் தற்போது அவர்களின் குடும்பத்தினரைத் தொடர்புகொண்டு, தேவையான ஆதரவை வழங்கி வருகிறது,” என்று அவர் ஓர் அறிக்கையில் தெரிவித்தார்.

இன்று முன்னதாக, மலேசிய சிவில் விமானப் போக்குவரத்து ஆணையம் (CAAM), Long Lellang STOLport அருகே ஹெலிகாப்டர் விபத்துக்குள்ளானதை உறுதிப்படுத்தியது.

இந்த ஹெலிகாப்டர், விமானி உட்பட மொத்தம் ஐந்து பேர் பயணித்த Flying Doctor Service மருத்துவ சேவைப் பயணத்தில் ஈடுபட்டிருந்தது.

இந்தச் சம்பவம் குறித்து பொதுமக்கள் ஊகங்களை வெளியிடுவதையோ அல்லது உறுதிப்படுத்தப்படாத தகவல்களைப் பகிர்வதையோ தவிர்க்குமாறு சுல்கேப்ளி அறிவுறுத்தியுள்ளார்.

இதற்கிடையில், பெர்னாமா செய்தி நிறுவனத்திடம் சரவாக் காவல்துறை தெரிவித்ததாவது, தேடுதல் மற்றும் மீட்புப் பணிகள் தொடர்ந்து நடைபெற்று வருகின்றன.

மேலும், மருடியிலிருந்து(Marudi) விபத்து நடந்த இடத்தை அடைய சுமார் 10 மணி நேரம் ஆகும் என்றும், புகைமூட்டம் (haze) காரணமாக அங்கு விமானம் மூலம் செல்ல முடியவில்லை என்றும் சரவாக் காவல்துறை தெரிவித்துள்ளது.

தற்போது, விபத்து நடந்த பகுதியைச் சுற்றியுள்ள கிராம மக்கள் வழங்கும் உதவியையே தேடுதல் மற்றும் மீட்புப் பணிகள் பெரிதும் சார்ந்துள்ளதாகவும் காவல்துறை தெரிவித்துள்ளது.