பிஎன் தலைமைச் செயலாளர் தெங்கு அட்னான் தெங்கு மன்சூர் இன்று காலையில் சொன்னதைப் பார்க்கும்ப்போது புத்ராஜெயாவுக்கு வங்காள தேசி வாக்காளர்கள் வந்ததை ஒப்புக்கொள்வதுபோல் இருக்கிறது என்று பெர்சே 2.0 இணைத் தலைவர் அம்பிகா ஸ்ரீநிவாசன் கூறினார்.

மே 5 தேர்தலின்போது பெர்சேதான் வங்காள தேசிகளை புத்ரா ஜெயாவுக்கு அழைத்து வந்தது என அட்னான் கூறியிருந்தார்.

“அப்படியானால், வங்காள தேசிகள் புத்ரா ஜெயாவில் இருந்ததை அவர் ஒப்புக்கொள்கிறாரா?”, என்று அம்பிகா வினவினார்.

அது ஒரு கடுமையான குற்றச்சாட்டு என்று குறிப்பிட்ட அவர், அது உண்மையானால் அட்னான் அதே குற்றச்சாட்டை பெர்சே ஏற்பாடு செய்துள்ள  13வது பொதுத் தேர்தல் மீதான மக்கள் நடுவர் மன்றத்தில் மீண்டும் கூற வேண்டும் என்றார்.

அது ஒரு அபத்தமான குற்றச்சாட்டு என்றாரவர்.