சர்ச்சைக்குரிய  குற்றத்தடுப்புச் சட்ட(பிசிஏ)த்தைக் குறைகூறியுள்ள தரப்புகளுடன் பேச்சு நடத்திய பின்னர்,  தேவையென்றால்  அதில் மேலும் திருத்தங்கள் செய்ய அரசாங்கம்  தயாராக இருக்கிறது என  உள்துறை அமைச்சர் அஹமட் ஜாஹிட் ஹமிடி கூறியுள்ளார்.

பிரதமர் பணித்திருப்பதை அடுத்து,  அஹ்மட் ஜாஹிட், பிசிஏ-யைக் குறைகூறியுள்ள வழக்குரைஞர் மன்றம், என்ஜிஓ-கள் ஆகிய தரப்பினருடன்  பேச்சு நடத்துவார் என த ஸ்டார் அறிவித்துள்ளது.

“பிசிஏ-இல், வழக்குரைஞர் மன்றத்துக்கும் என்ஜிஓ-களுக்கும் திருப்தி அளிக்காத விசயங்கள் இருந்தால் அவை பற்றி விவாதிப்போம். அவற்றைத் திருத்துவது  அவசியம்  என்றால்  அடுத்துவரும்  நாடாளுமன்றக் கூட்டத்தில் திருத்தங்கள் கொண்டு வருவோம்”, என்று  அமைச்சர் கூறியதாக அச்செய்தித்தாள் கூறியது.