இன்று அதிகாலை பினாங்கு லெபோ பார்க்குவார் அஸ்ஸம்ஷன் தேவாலயத்துக்குள் பெட்ரோல் குண்டுகள் வீசி எறியப்பட்டன.
அதிகாலை 1.30 மணி அளவில் மோட்டார் சைக்கிளில் வந்த இருவர் இரண்டு பெட்ரோல் குண்டுகளை வீசி எறிந்ததாக பினாங்கு போலீஸ் தலைவர் அப்துல் ரஹிம் ஹனாபியை மேற்கோள்காட்டி த ஸ்டார் ஆன்லைன் அறிவித்தது.
அவற்றில் ஒன்று மட்டுமே வெடித்தது என்றாரவர்.
தேவாலயத்துக்கு வெளியில், ஞாயிற்றுக்கிழமை ‘ஏசுதாதர் அல்லாவின் மகன்’ என்றெழுதப்பட்ட பதாதை ஒன்று தொங்க விடப்பட்ட 24 மணி நேரத்துக்குள் இத்தாக்குதல் நிகழ்ந்துள்ளது.
பதாதைக்கும் தனக்கும் சம்பந்தமில்லை என தேவாலயம் கூறியது.
இதனிடையே, பினாங்கு முதல்வர் லிம் குவான் எங், மாநிலத்தில் தேவாலயங்களையும் பள்ளிவாசல்களையும் காவல் காக்க 250 போலீஸ்காரர்கள் ஈப்போவிலிருந்து தருவிக்கப்படுவதாக தெரிவித்துள்ளார்.
தாக்குங்கள், தாக்குங்கள். உலகில் உள்ள அத்தனை ஆலயங்களையும் அழித்தாலும், உள்ளமென்னும் ஆலயத்தை எவராலும் எதனாலும் அழிக்க முடியாது என்பதை சம்பந்தப்பட்டவர்கள் தெரிந்துகொள்ளுங்கள். எம்பெருமான் இயேசுவைப்போல் நாமும், தெரியாமல் செய்யும் இவர்களுக்காக இறைவனிடம் மன்றாடுவோம். இறைவன் நம்மையும் இவர்களையும் ஆசீர்வதிப்பாராக.
தோவன்னா பாவண்ண நீங்களே இன்று கொஞ்சம் உணர்ச்சி வச பட ஆரம்பித்து விட்டீர்கள் போலிருக்கின்றது. எமக்கும் தங்களின் நிலை பால் நெஞ்சம் உருகுகின்றது. அகம்பாவத்தில் அழியும் எவரும் நிலைத்து நின்றதாக சரித்திரம் இல்லை. இது அவர்களின் அழியும் நாள் போலும்.
சில வேளைகளில் நமது அரசாங்கத்தின் பொறுமை…., அளவுக்கு அதிகமானது.
அரசன் அன்று கொல்வான் தெய்வம் நின்று கொல்லும்.. அட தெய்வமே … இன்னும் எவ்வளவு நாளைக்குத்தான் நின்னுகிட்டே இருப்பீர் …. சீக்கிரம் வாருமையா…. வந்து ஒரு காட்டு காட்டிட்டு போயா….
ஐயா Theni மற்றும் அழகி அவர்களே என்னைபோன்றவர்களின் உள்ள ஆதங்கத்தை அறிந்துகொள்வதற்கு மிக்க நன்றி. இன்னும் அநேகர் இவ்வாறு அடுத்தவரின் நலனில் அக்கறை கொண்டால் மண்ணுலகமே சொர்க்கமாகிடும். அடுத்தவன் அழியவேண்டும் என்பது நல்லவர்களின் எண்ணமல்ல. எல்லோரும் நலமுடன், சகோதர அன்பில் சுமூகமாக வாழவேண்டும் என்பதே எண்ணம். தவறு செய்பவர்கள் பெரும்பாலும் ஏதோ தங்களுடைய உரிமைகளையோ , சுகங்களையோ இழந்துவிடுவோமோ என்ற தேவையற்ற பயத்தினால் முன் எச்சரிக்கையாக ஏதோ செய்யவேண்டும் என்ற எண்ணத்தில் செய்கின்றனர். மே 13 கலவரங்களும் இப்படித்தான். அன்று இருந்த சகிப்பு தன்மை வேறு , இன்றைய சகிப்பு தன்மை வேறு. இன்று இவ்வளவு நடந்தும் எவ்வித தீவிரமான கலவரமும் நடைபெறவில்லை. அப்படி நடைப்பெறபோவதும் கிடையாது. காரணம் அப்படியான நிகழ்வால் இன, சமய, மொழி, வயது, வசதியில்லாதோர், வசதிபபடைத்தோர் யாவருமே பாதிக்கப்படுவர் என்பது எல்லோருக்கும் தெரியும். ஆக எவருமே அதற்கு ஒத்துக்கொள்ள மாட்டார்கள். நீரோ மன்னன் போல எவரேனும் இதை விரும்பலாம். அதனால் நாம் அனைவரும் சிந்தித்து சீர்தூக்கி செயல்பட இறைவன் நம்மை ஆசீவதித்து வழிநடத்துவாராக. மேலும் அழகியவர்களே, திரௌபதை தனது உடைகளை கலையும்போது, தனது கைகளால் தனது உடலை மூடியபடி இறைவனை கூவி அழைத்தும் இறைவன் வரவில்லை. அவளின் ஆடை முற்றாக உரியப்பட்டதும், தனது இரு கைகளையும் உயர்த்தி தன்னால் எதுவுமே ஆகமுடியாதென்ற நிலையில் இறைவனை கூவி அழைத்தபோது கிருஷ்ணர் வந்து காப்பதாக படித்து கேட்ட ஞாபகம் உள்ளது. நாம் நம்மால் இயன்றதை செய்வோம். கண்டிப்பாக இறைவன் நம் எல்லோருக்கும் உதவிட வருவார்.