நீதிமன்ற  உத்தரவைப்  பின்பற்றி  தன்  மகளைத்  திருப்பி அனுப்ப  மறுக்கும்  மதமாறிய  முன்னாள் கணவரைக்  கைது  செய்ய  வேண்டும்  என்று  இந்திரா  காந்தி  விரும்புகிறார்.

மகளைத்  திருப்பிக்  கொடுக்க   கே.பத்மநாதன் @ முகம்மட்  ரித்துவான்  அப்துல்லாவுக்கு  வழங்கப்பட்டிருந்த  கெடு  இன்றுடன்  முடிவுக்கு  வருகிறது.

இதுவரை  அவர்  திருப்பி  அனுப்பவில்லை.   மகளைத் திருப்பி  அனுப்பும்  “நிலையில் இல்லை”  என்று  அவர்  தெரிவித்திருப்பதாக  இந்திரா  காந்தியின்  வழக்குரைஞர்  எம்.குலசேகரன்  கூறினார்.

எனவே,  நீதிமன்ற  உத்தரவை  அவமதித்த  குற்றத்துக்காக  பத்மநாதனைக்  கைது  செய்யக்  கோரி  இந்திரா  போலீஸில் புகார்  செய்வார்  என  குலசேகரன்  குறிப்பிட்டார்.