கோலாலும்பூர் போலீஸ்  லாக்-அப்பில்  தடுத்து  வைக்கப்பட்டிருந்த  என். தர்மேந்திரனைக்  கொன்றதாகக்  குற்றம்  சாட்டப்பட்ட  நான்கு  போலீஸ்  அதிகாரிகளை  கோலாலும்பூர்  உயர்  நீதிமன்றம்  இன்று  விடுவித்தது.

நால்வர்மீதும்  குற்றஞ்சாட்ட போதுமான  ஆதாரங்கள்  இல்லை  என்று  நீதிபதி  கமருடின் ஹஷிம்  தீர்ப்பளித்தார்.

கெடா, சுங்கை  பட்டாணி  இன்ஸ்பெக்டர்  எஸ்.ஹரி  கிரிஷ்ணன்,41, சர்ஜெண்ட்  ஜப்ரி  ஜாப்பார்,45, கார்ப்பரல்  முகம்மட்  நஹார்  அப்ட்  ரஹ்மான், 46, கார்ப்பரல்  முகம்மட்  ஹஸ்வாடி  ஸம்ரி  ஷாரி,33, ஆகியோரே  அந்நால்வருமாவர்.

ஜாலான்  ஹங் துவா, கோலாலும்பூர்  போலீஸ்  தலைமையகத்தின்  7வது  மாடியில்  உள்ள  டி9  விசாரணை  அலுவலகத்தில் அந்நால்வரும்  அக்குற்றத்தைப்  புரிந்ததாகக்  குற்றம்  சாட்டப்பட்டிருந்தது.

சந்தர்ப்பச்  சூழ்நிலையை  வைத்து  அவர்களை  எதிர்வாதம்  செய்ய  அழைப்பது  முறையல்ல  என்று    நீதிபதி  கமருடின்  கூறினார்.