கோலா  சிலாங்கூர்   ஜாலான்   சுங்கை  பூலோவில்  உள்ள   தன்   கடை  உடைக்கப்படுவதைத்   தடுக்கும்    கடைசி   முயற்சியாக    ஜெய் ஸ்ரீ  ராஜூ  சிலாங்கூர்    மந்திரி   புசார்   முகம்மட்   அஸ்மின்   அலி-இடம்    மகஜர்  ஒன்றைக்   கொடுத்துள்ளார்.

“நீண்ட   காலமாகவே    கோலா   சிலாங்கூர்    மாவட்ட    மன்ற(எம்டிகேஎஸ்)த்தின்   அனுமதியுடன்    கடை   வைத்திருக்கிறேன். இந்தக்  கடைக்கு  மாற்றாக   வேறு   ஒரு  கடை  கொடுங்கள்    என்று   கேட்கிறேன், அவ்வளவுதான்.

“அது  வரையில்  கடை  உடைப்பைத்   தள்ளிப்போடுங்கள்”,  என்றவர்  அந்த   மகஜரில்    கேட்டுக்கொண்டிருக்கிறார்.

உணவகத்தையும்   கொண்ட    அவரது   கடையைக்  காலி   செய்யக்   கோரி    அவருக்குக்   கொடுக்கப்பட்டிருந்த   கெடு    இன்றுடன்   முடிவுக்கு   வருகிறது.

அவருடைய   மகஜர்  இன்று   காலை   சிலாங்கூர்    மாநிலச்   செயலகத்தில்    அஸ்மினின்    தனிச்  செயலாளர்    ஷரிசால்   சாலேயிடம்    ஒப்படைக்கப்பட்டது.

அப்போது  பார்டி   சோசலிஸ்  கட்சி    உறுப்பினர்களும்   அவருடன்   இருந்தனர்.