சுங்கை புசார் அம்னோ தொகுதித் தலைவர் ஜமால் முகம்மட் யூனுஸ், போலீசார் பெர்சே வாகன அணி பங்கேற்பாளர்களுக்கு அதிகம் சலுகை கொடுக்கிறார்கள் என்று குறைகூறியுள்ளார்.
“நேற்றைய நிகழ்வுகள் போலீசார் வழக்கத்துக்கு மாறாக பெர்சே 5-க்குச் சிறப்புச் சலுகை கொடுப்பதைக் காண்பிக்கின்றன.
“மறுபுறம் , சிகப்புச் சட்டை இயக்கத்தினரிடம் அவர்கள் நடந்து கொண்ட விதத்தைக் கூற வேண்டுமென்றால், நோய் கண்ட ஒரு நாயிடம் எப்படி நடந்து கொள்வார்களோ அப்படித்தான் நடந்து கொண்டார்கள்”, என்றவர் ஓர் அறிக்கையில் கூறினார்.
பெர்சே வாகன அணிகள் நவம்பர் 19இல் நடத்தத் திட்டமிடப்பட்டுள்ள பேரணி குறித்த விழிப்புணர்வை ஏற்படுத்துவதற்காக நேற்று மூன்றாம் முறையாக நாடு முழுவதும் அவற்றின் பயணத்தைத் தொடர்ந்தன.
பெர்சேயின் ஆறு வாகன அணிகளுக்கும் பல இடங்களில் சிகப்புச் சட்டையினர் குறுக்கிட்டு தொல்லை கொடுத்தனர். குறிப்பாக சிலாங்கூர் சாபாக் பெர்ணாமில் மஞ்சள் நிறச் சட்டை அணிந்த பெர்சே பங்கேற்பாளர்களிடம் சிகப்புச் சட்டையினர் மிகுந்த வன்முறையுடன் நடந்து கொண்டார்கள்.
இந்த நாடு அமைதி அற்ற நாடாக விரைவில் ஆகும்-ஆக்கப்படும். மத்திய கிழக்கு நாடுகளில் நடக்கும் எல்லாமே இங்கும் நடக்கும்– இந்த ஈனங்களுக்கு மனிதாபிமானமும் கிடையாது மற்றவர்களை மதிக்கவும் மாட்டார்கள்–காரணம் அவர்கள் அப்படி ஊட்டி வளர்க்கப்படுகிறார்கள் பிறந்ததிலிருந்து.