ஷா  ஆலம்  போலீஸ்  நிலையத்தில்   போதைப்   பொருள்  துறை    செயல்பட்டு   வந்த   ஒற்றை-மாடிக்   கட்டிடம்   இன்று   காலை   ஏற்பட்ட   தீ   விபத்தில்   மிக   மோசமாக   எரிந்து   போயிற்று.

ஷா  ஆலம்   தீ அணைப்பு  மற்றும்  மீட்புத்   துறையின்   உதவி   இயக்குனர்    முகம்மட்    சானி   ஹருல்,     அதிகாலை   மணி   3.43க்கு   அபாய   அழைப்பு   வந்ததும்    21    பணியாளர்கள்    மூன்று  தீஅணைப்பு  வண்டிகளில்   விரைந்து    சென்றதாகக்  கூறினார்.

சம்பவம்   நடந்த   இடத்தை   அவர்கள்   சென்றடைந்தபோது   கட்டிடத்தின்   பெரும்பகுதியில்   தீ   பரவி   கொழுந்து  விட்டெரிந்து  கொண்டிருந்தது.

“தீ  அணைப்பு  வீரர்கள்   ஒரு  மணி   நேரம்   போராடி    தீயைக்  கட்டுப்படுத்தினார்கள்.  தீ   அணைப்பு   நடவடிக்கை   காலை   7 மணிக்கு  முடிந்தது.  நல்ல   வேளையாக   உயிர்ச்  சேதமில்லை”,  என   அவர்  ஓர்   அறிக்கையில்     தெரிவித்தார்.

விபத்தில்   கட்டிடம்   60  விழுக்காடு   சேதமடைந்ததாகவும்     அவர்   சொன்னார்.