டாக்டர்   மகாதிர்   முகம்மட்   அவரது   சொத்துகள்  குறித்து    கேள்வி    எழுப்பியுள்ள    வேளையில்   துணைப்   பிரதமர்    அஹமட்   ஜாஹிட்  ஹமிடி    தம்மிட  ஊழல்  இல்லை    என்று   பிரகடனம்   செய்துள்ளார்.

உள்துறை   அமைச்சருமான     அவர்     தம்   அமைச்சிலும்   ஊழல்   என்பது   கிடையாது   என்றார்.

“என்னிடமும்   உள்துறை   அமைச்சிலும்  அதன்கீழ்  உள்ள     அத்தனை   துறைகளிலும்   ஊழல்    என்பதே   கிடையாது.

“நாங்களும்   எங்களைச்   சார்ந்தவர்களும்   ஊழலற்றவர்களாக  இருப்பது   எளிதல்லதான்  ஆனால்,  உயர்  நெறிகளைக்   கொண்டிருந்தால்   அது   சாத்தியம்தான்”,  என  ஜாஹிட்   கூறினார்.

துணைப்  பிரதமர்   இன்று  காலை,   குடிநுழைவுத்   துறைத்    தலைமை   இயக்குனர்    முஸ்தபார்    அலியும்    400   அதிகாரிகளும்   ஊழலற்று   இருப்பதாக  உறுதிமொழி   எடுத்துக்கொண்ட   நிகழ்வில்  கலந்து   கொண்டார்.