சிலாங்கூர்   குடியிருப்பாளர்களில்   72  விழுக்காட்டினர்   மாநில   அரசின்   செயல்பாடுகாளில்   மனநிறைவு   கொண்டுள்ளனர்.

மெர்டேகா   மையம்   ஜனவரி   23  தொடங்கி    ஜூன்  29வரை   12,001   குடியிருப்பாளர்களிடாம்   ஆய்வு   மேற்கொண்டதாகவும்   அந்த   ஆய்வில்   மேற்காணும்   முடிவு   கிடைத்ததாகவும்   ஊராட்சி   மன்றங்களுக்குப்  பொறுப்பான    மாநில     ஆட்சிக்குழு   உறுப்பினர்   இயான்   யோங்   ஹியான்   கூறினார்.

“ஒட்டுமொத்தமாக   பார்த்தால்,     மாநில  அரசின்மீது  மக்கள்   கொண்டுள்ள   திருப்தி   மேம்பட்டுள்ளது”,  என்று   குறிப்பிட்ட   இயான்  2015  ஆய்வில்  67   விழுக்காட்டினர்தான்   மாநில   அரசின்மீது   திருப்தி    தெரிவித்திருந்ததைச்   சுட்டிக்காட்டினார்.