மறைப்பதற்கு   ஏதுமில்லை   கருத்தரங்கு   நடைபெற்ற  மண்டபத்துக்குப்   பாதுகாப்பு  வழங்க  போலீஸ்   அழைக்கப்படவில்லை  என   இன்ஸ்பெக்டர்- ஜெனரல்   அப்   போலீஸ்   காலிட்   அபு   பக்கார்   கூறினார்.

“மண்டபப்  பாதுகாப்புக்கு   நாங்கள்  பொறுப்பேற்கவில்லை.  போலீஸ்   அதிகாரிகள்     மண்டபத்துக்கு   வெளியில்தான்   இருந்தனர்.  ஏனென்றால்   அந்நிகழ்வுக்கு   வருமாறு   போலீசுக்கு   அழைப்பு   இல்லை.

“வெளியில்   மட்டும்   பாதுகாப்பைக்  கவனித்துக்   கொண்டோம்”,  என   காலிட்  இன்று   புக்கிட்   அமானில்    செய்தியாளர்களிடம்    தெரிவித்தார்.

கடந்த    ஞாயிற்றுக்கிழமை    ஷா  ஆலமில்    நடைபெற்ற    அக்கருத்தரங்கம்,  பக்கத்தான்  ஹராபான்   அவைத்  தலைவர்   டாக்டர்   மகாதிர்    முகம்மட்     மேடையில்    பேசிக்கொண்டிருந்தபோது   சில    இளைஞர்கள்   நாற்காலிகளையும்    சுடரெரிகளையும்    தூக்கி  எறிந்து     அமளி  செய்ததால்  இடையிலேயே   நிறுத்தப்பட்டது.

கலகம்  செய்த  சிலரைக்  கருத்தரங்கில்   கலந்து  கொண்டவர்களே  பிடித்து   போலீஸில்  ஒப்படைத்தனர். நேற்று,  போலீசார்   மேலும்  சிலரைக்  கைது    செய்தனர். இதுவரை  10  பேர்  கைது    செய்யப்பட்டுள்ளனர்.