கெராக்கான் தலைவர் கோ சூ கூன் அடுத்த பொதுத்தேர்தலில், நாடாளுமன்றத்துக்கோ சட்டமன்றத்துக்கோ போட்டியிட மாட்டார்.
இன்று கோலாலும்பூரில், கட்சித் தலைமையகத்தில் செய்தியாளர்களிடம் பேசிய கோ, கட்சியின் “இரண்டாம் நிலைத் தலைவர்களுக்கு” வாய்ப்பளிக்க அவ்வாறு முடிவெடுத்ததாகக் கூறினார்.
மேலும்,அது ‘மக்களுடன் ஒத்துப்போகும்’ கெராக்கானின் உருமாற்ற வியூகத்தின் ஒரு பகுதியுமாகும்.
“புதுப்பிக்கும் முயற்சியில் நானே முன்மாதிரியாக நடந்துகொள்ளப்போகிறேன். முதல் அடியை எடுத்து வைக்கப்போகிறேன்.
“எதிர்வரும் 13-வது பொதுத் தேர்தலில் நாடாளுமன்றத்துக்கோ சட்டமன்றத்துக்கோ வேட்பாளராக போட்டியிடப்போவதில்லை என்று முடிவு செய்துள்ளேன்”, என்றவர் அறிவித்தார்.
