இன்று காலை   சிங்கப்பூர்   வூட்லன்ஸ்    சோதனைச்  சாவடிக்கு    அருகில்   நான்கு  வாகனங்கள்    சம்பந்தப்பட்ட   ஒரு  விபத்தில்   20க்கு   மேற்பட்டோர்   காயமடைந்ததாக   த   ஸ்ரேய்ட்ஸ்  டைம்ஸ்   கூறியது.

காலை  6  மணி  அளவில்   நிகழ்ந்த  அவ்விபத்தில்  இரண்டு   லாரிகள்,  ஒரு  பேருந்து,  ஒரு  கார்   ஆகியவை  ஒன்றோடொன்று  மோதிக்  கொண்டன.

விபத்தில்  26  பேர்  காயமடைந்து   மருத்துவமனைகளுக்குக்  கொண்டு   செல்லப்பட்டதாக    சிங்கப்பூர்   பொது   தற்காப்புப்   படை   தெரிவித்ததாக   அச்செய்தி   கூறியது.

அனைவருக்கும்  சொற்ப  காயங்கள்தான்,    யாருக்கும்  கடுமையான   காயங்கள்  இல்லை  என்றும்   அச்செய்தி  கூறிற்று.