சிலாங்கூர் பக்கத்தான் ஹரபானில் 14வது பொதுத் தேர்தலுக்கு இடஒதுக்கீடுகள் செய்வதுமீதான பேச்சுகள் நடைபெற்று வருவதாகக் கூறுகிறார் அதன் செயலாளர் ஸுரைடா கமருடின்.
“14வது பொதுத் தேர்தலுக்கு மாநில அளவில் இடஒதுக்கீடு செய்வதுமீதான பேச்சுகளை பிகேஆர் தலைமையில் சிலாங்கூர் பக்கத்தான் ஹரபான் நடத்தி வருகிறது.
“இதுவரை சிலாங்கூர் பக்கத்தான் ஹரபான் தேர்தல் குழு ஸ்ரீஅண்டாலாஸ் சட்டமன்ற உறுப்பினர் சேவியர் ஜெயகுமார் தலைமையில் நான்கு தடவை கூட்டங்கள் நடத்தப்பட்டுள்ளன”, என பிகேஆர் மகளிர் தலைவியுமான ஸுரைடா இன்று ஓர் அறிக்கையில் கூறினார்.
சிலாங்கூர் அமனா தொடர்பு இயக்குனர் ஜம்சுரி அர்டானி சிலாங்கூரில் இடஒதுக்கீடு குறித்து விவாதிக்க குழு எதுவும் இதுவரை அமைக்கப்படவில்லை என்று கூறியிருப்பதற்கு எதிர்வினையாற்றியபோது அவர் இவ்வாறு கூறினார்.
சிலாங்கூரில் பாஸுடன் அரசியல் ஒப்பந்தம் செய்துகொள்ள பிகேஆருக்குள் “இரகசிய பேச்சு” நடப்பதாகவும் அவர் சொன்னார்.
