முன்னாள் அமைச்சர் ரயிஸ் யாத்திம் அம்னோ பேச்சுரிமையையும் தலைவர்களைக் குறை சொல்லும் உரிமையையும் முக்கியமற்ற அடிக்குறிப்பாக நினைத்து ஒதுக்கிவிடக் கூடாது என்றார்.
அம்னோ தகவல் தலைவர் அனுவார் மூசாவின் கூற்றுக்கு எதிர்வினையாக ரயிஸ் நேற்றிரவு முகநூலில் இவ்வாறு பதிவிட்டிருந்தார். 1எம்டிபி ஊழல்மீது மலேசிய அதிகாரிகள் விசாரணை செய்ய வேண்டும் என்று கேட்டுக்கொண்ட ரயிசையும் முன்னாள் அமைச்சர் ரபிடா அசிசாவையும் அனுவார் மூசா சாடியதாகக் கூறப்படுகிறது.
“அம்னோ தகவல் தலைவரே, தகவலளிக்கும் உங்கள் கடமையை முறையாகச் செய்யுங்கள். உண்மை நிலவரத்தைப் புரிந்துகொண்டு கருத்துச் சொல்லுங்கள்.
“மக்கள் மகிழ்ச்சியாக இல்லை. டான்ஸ்ரீ ரபிடாவும் நானும் அபாய பேர்வழிகள் அல்ல. ஆபத்து இன்னொரு பக்கத்தில்”, என்றாரவர். பக்கத்தான் ஹரப்பானைத்தான் ரயிஸ் குறிப்பிட்டார்.
“அம்னோவில் பேச்சுரிமையை வெறும் அடிக்குறிப்பாக மாற்றி விடாதீர்கள்”, என்றார்.
