பொருளாதார தூண்டுதலுக்கு கடுமையாக உழைத்தவர் லிம் குவான் எங் – காலித் சமத்

காலை 7.45 மணி: இடைக்கால பிரதமர் டாக்டர் மகாதீர் முகமட் நேற்று அறிவித்த பொருளாதார தூண்டுதல் தொகுப்பிற்கு, முன்னாள் பொருளாதார விவகார அமைச்சர் அஸ்மின் அலி நல்ல பெயர் வாங்கியுள்ளார் என்று அமானா தகவல் தொடர்பு இயக்குனர் காலித் சமத் குற்றம் சாட்டினார்.

முன்னாள் நிதியமைச்சர் லிம் குவான் எங் இந்த பொருளாதார தூண்டுதல் தொகுப்பிற்காக கடுமையாக உழைத்தார் என்று அவர் கூறுகிறார்.

“உங்கள் நடவடிக்கைகளின் மூலம் நாட்டின் முதலீட்டு சூழ்நிலையையும், பொருளாதாரத்தையும், அரசியலையும் சேதப்படுத்தியுள்ளீர்கள்! அதன்பிறகு, நீங்கள் குவான் எங் அவர்களுக்கு கிடைக்கவேண்டிய நல்ல பெயரை திருடுகிறீர்கள். இது மிகவும் அவமானகரமானது. உங்களுக்கு வெட்கம் இல்லையா?” என்று காலிட் அஸ்மீனை கேட்டு ட்வீட் செய்துள்ளார்.

நேற்று ஒரு அறிக்கையில், அஸ்மின் மற்றும் அவரை ஆதரிக்கும் 10 எம்.பி.க்கள், இந்த பொருளாதார தூண்டுதல் தொகுப்பு கோவிட்-19 தொற்றுநோயால் பாதிக்கப்பட்ட வணிகங்கள் மற்றும் தனிநபர்களின் குறிப்பாக சுற்றுலா மற்றும் ஏற்றுமதி துறைகளில் உள்ளவர்களின் பணப்புழக்க சுமையை குறைக்கும் என்று எதிர்பார்ப்பதாகக் கூறியிருந்தனர்.