அவசரகாலச் (அத்தியாவசிய அதிகாரங்கள்) சட்டம் 2021, ஜனவரி 11-ல் அமலாக்கம் கண்டு, தற்போது நடைமுறையில் உள்ளது. இந்த அவசரச்சட்டத்திற்குக் காலாவதி இல்லை.
அவசரகாலச் சட்டம் மாட்சிமை தங்கியப் பேரரசரால், மக்களவையின் அனுமதியின்றி, அவசர காலங்களில் நிறைவேற்றக்கூடிய சிறப்பு சட்டம் ஆகும்.
அவசரகாலச் (அத்தியாவசிய அதிகாரங்கள்) சட்டம் 2021-ன், அதிகாரங்கள் சுருக்கமாகக் கீழே உள்ளன :-
குற்றங்கள்
சொத்து அல்லது வளங்களை ஒப்படைக்க வேண்டும் என்ற அரசாங்கக் கோரிக்கைகளுக்கு இணங்கத் தவறும் எவருக்கும், 10 ஆண்டுகள் வரையிலான சிறைத்தண்டனை, RM5 மில்லியன் வரை தண்டம் அல்லது இரண்டும் விதிக்கப்படலாம்.
சட்டபடியான நோய் எதிர்ப்பு சக்தி
இந்த அரசாணையை நிறைவேற்றுவதில், அரசாங்கம் அல்லது அதன் முகவர்கள் மீது எந்தவொரு சட்ட நடவடிக்கையும் தொடங்க முடியாது.
சொத்து பறிமுதல்
எந்தவொரு நிலம், கட்டிடம் அல்லது அசையும் சொத்துக்களை அரசாங்கம் தற்காலிகமாக வைத்திருக்கலாம்.
இழப்பீட்டின் மதிப்பீடு இறுதியானது, அதனை நீதிமன்றத்தில் சவால் செய்ய முடியாது.
வளங்களின் பயன்பாடு
தேவையானதாகக் கருதப்படும் எந்தவொரு நோக்கத்திற்காகவும், “எந்தவொரு வளங்களையும்” பயன்படுத்த அரசாங்கம் கோரலாம்.
வளங்களில் மனித வளங்கள், வசதிகள், பயன்பாடுகள் மற்றும் சொத்துக்கள் என அனைத்தும் அடங்கும்.
அந்த வளங்களை வழங்கும் ஒருவர் விதிக்கும் குற்றச்சாட்டுகள் குறித்து கருத்துரைக்க அரசாங்கத்திற்கு அதிகாரம் உண்டு.
சுகாதார அமைச்சுக்கு அதிக அதிகாரங்கள்
சிகிச்சை, நோய்த்தடுப்பு, தனிமைப்படுத்தல், கவனிப்பு அல்லது கண்காணிப்புக்கான வழிமுறைகளை வழங்க அரசாங்கம் யாரையும் நியமிக்க முடியும். இந்த ஏற்பாடு, குறிப்பிட்ட தனியார் சுகாதார ஊழியர்களுக்கு அதிகாரம் அளிக்க வாய்ப்புள்ளது.
ஆயுதப் படைகள்
காவல்துறை அதிகாரிகளின் அனைத்து அதிகாரங்களும், ஆயுதப்படைகளுக்கும் இருக்கும்.
மலேசியாகினி -இன் கேள்விகளுக்குக் கிடைத்த பதில்கள் கீழே :-
நோய்த்தடுப்பு மருந்துகளை நான் மறுக்கலாமா?
பெரும்பாலும் இல்லை.
அவசரகாலச் (அத்தியாவசிய அதிகாரங்கள்) சட்டம் 2021-இன் பிரிவு 6 (1), தொற்று நோய்களைத் தடுக்கும் மற்றும் கட்டுப்படுத்தும் சட்டம் 1988-இன் கீழ், அதிகாரம் வழங்கப்படும் முகவர்களுக்கு, அதிகாரம் உண்டு. இந்தச் சட்டத்தின் கீழ் தண்டனையாக, சிறைவாசம் மற்றும் தண்டம் விதிக்கப்படலாம்.
யார் ஆட்சியில் உள்ளனர்?
ஜனவரி 11-க்கு முன்னர் இருந்த, பிரதமர், மத்திய அமைச்சரவை, மந்திரி பெசார், முதலமைச்சர், மாநில ஆட்சிக்குழு அல்லது மாநில அமைச்சரவை அதன் செயல்பாடுகளைத் தொடரும்.
தேர்தலை நடத்த முடியுமா?
மக்களவை, மாநிலச் சபை மற்றும் மாநிலச் சட்டமன்றங்களில் காலியிடங்கள் நிரப்பப்படாது.
மத்திய அரசியலமைப்பின் பிரிவு 54 மற்றும் பிரிவு 55 மற்றும் தேர்தல்கள் தொடர்பான மாநிலச் சட்டங்கள், அவசர காலங்களில் எந்த விளைவையும் ஏற்படுத்தாது.
மக்களவை அமர்வு முடியுமா?
இல்லை.
சரிபார்த்து, சமநிலைப்படுத்துவது யார்?
எந்தவொரு அவசரக் கட்டளையையும் வெளியிடுவது குறித்து, மாமன்னர் இறுதிக் கருத்து தெரிவிப்பார்.
