அடுத்த பொதுத் தேர்தலில் பாரிசான் நேசனலை தோற்கடிக்க வேண்டும் என்று நினைத்தால் எதிர்க் கட்சிகள் ஒன்றுபட்டு புதிய கூட்டணியை அமைக்க வேண்டும் என்று பெர்சத்துவின் தலைமை உறுப்பினர் ஃபைஸ் ந அமன் கூறினார்.

தேசியக் கூட்டமைப்பு அத்தகைய கூட்டணியை அமைப்பதற்கு எந்த ஒரு திட்டத்தையும்  ஆதரிப்பதாக, அந்த  சுப்ரீம் கவுன்சில் உறுப்பினர் ஃபைஸ் இன்று பத்திரிகையாளர்களின் சந்திப்பில் கூறினார்.

“முன்னோக்கு பார்வையுடன் சிந்தித்தால் கூட்டணி அமைக்க இன்னும் நமக்கு ஒரு வாய்ப்பு உள்ளதாகவும், அதனால் நாம் நம் இலக்குகளை முதலில் சரி செய்து, சரியான நபர்கள் அதை வழி நடத்த அனுமதிக்க வேண்டும், ”என்று அவர் கூறினார்.

முகைதீன் யாசின் பதவியை ராஜினாமா செய்ய விருப்பம் தெரிவித்ததை ஃபைஸ் நிராகரித்தார்.  முகைதீனின் தலைமை இன்னும் கூட்டணிக் கட்சிகளுக்கு தேவை என்று அவர் கூறினார்.

ஜோகூர் தேர்தலில் பெரிக்காத்தான் நேசனலின் மோசமான செயல்பாட்டிற்கான பொறுப்பை தான் ஏற்றுக்கொள்வதாக முகைதீன் நேற்று இரவு கூறியிருந்தார். கூட்டணி மூன்று இடங்களை மட்டுமே வென்றது – இரண்டு பெர்சத்து வேட்பாளர்கள் மற்றும் ஒரு பாஸ் வேட்பாளர். முன்னதாக, கூட்டணி 12 இடங்களை கைப்பற்றியது.

பிஎன் இன் செயல்திறன் குறிப்பிட்ட நபர்களின் குறைபாடுகளால் அல்ல என்றும் அவர் கூறினார். “ஜோகூரில் என்ன நடந்தது என்பது குறைவான வாக்குப்பதிவு மற்றும் உடன்பாடு இல்லாததால் பாரிசான் நேஷனல் எதிர்ப்பு தொகுதிகளில் பிளவு போன்ற பிற காரணிகளால் ஏற்பட்டது,” என்று ஃபைஸ் கூறினார்.

நேற்று நடந்த ஜோகூர் தேர்தலில் பாரிசான் நேசனல் மாநில சட்டசபையில் மொத்தமுள்ள 56 இடங்களில் 40 இடங்களில் வெற்றி பெற்றது. பிஎன் மகாராணி (பாஸ்), மற்றும் என்டு மற்றும் புக்கிட் கேபோங் (பெர்சது) ஆகிய இடங்களில் வென்றது. டிஏபி, அமானா மற்றும் பிகேஆர் அடங்கிய பக்காத்தான் ஹராப்பான் 12 இடங்களை வென்றது, மூடா தனது தேர்தல் அறிமுகத்தில் ஒரு இடத்தை வென்றது.

  பிஎன் (PN)  கூட்டணியுடன் இணைந்திருக்க பாஸ் முடிவு

மக்களுக்கு சேவை செய்வதற்காக பெரிkkaaththaan  நேசனலுடன் பாஸ் கூட்டணி தொடரும், மேலும் நேற்றைய ஜோகூர் தேர்தல் முடிவுகள் குறித்து திறந்த மனதுடன் இருக்கும் என்று அதன் துணைத் தலைவர் இட்ரிஸ் அஹ்மட் கூறினார்.

பிஎன் மூன்று இடங்களை மட்டுமே வென்றாலும், 15வது பொதுத் தேர்தலுக்கு முன்னதாக ஒற்றுமை என்ற கருத்தை வளர்ப்பதற்கு கூட்டணி தொடர்ந்து இணைந்து செயல்படும்.

“மெலாக்கா மற்றும் ஜோகூர் மாநில தேர்தல்களின் அடிப்படையில் முடிவுகளை அளவிட வேண்டாம், நாங்கள் தோல்வியை ஏற்றுக் கொள்கிறோம் என்று அவர் கூறினார், GE15ஐ எதிர்கொள்வதற்கான திட்டத்தை தயார் செய்வோம் என்றும், முக்கியமானது ஒற்றுமை, ”என்று அவர் புக்கிட் காண்டாங்கில் ஒரு தொகுதி நிகழ்வுக்குப் பிறகு அஹ்மட் கூறினார்.

-freemalaysiatoday