கிளந்தான் மாநில சட்டமன்ற உறுப்பினர் ஒருவர் இரண்டு நாட்களுக்கு முன்பு மக்காவ் மோசடியில் சிக்கி RM84,529 இழந்தார்.

காவல்துறையின் கூற்றுப்படி, அந்த (அடையாம் தணிக்கப்பட்டது) பாதிக்கப்பட்டவர்,  இஸ்லாம் வங்கி (Bank Islam) மற்றும் முவாமாலாட் வங்கி (Bank Muamalat) கிளைகளுக்குச் சென்று தனது கணக்கு நிலுவைகளைச் சரிபார்த்து புதிய வங்கி அட்டைக்கு விண்ணப்பித்தபோது தான் தான் மோசடி செய்யப்பட்டதை உணர்ந்தார்.

கிளந்தான் வணிகக் குற்றப் புலனாய்வுத் துறையின் தலைவர் வசீர் முகமட் யூசோப்(Wazir Mohd Yusof) இதனை கீழ்கண்டவாறு விவரித்தார்.

“முதலில் உள்நாட்டு வருவாய் வாரியத்தில் பணிபுரிவதாகக் கூறும் ஒரு நபரிடமிருந்து சட்டமன்ற உறுப்பினருக்கு அழைப்பு வந்தது.

அவர் RM52,900 செலுத்தப்படாத வரித் தொகை நிலுவையில் இருப்பதாக அவருக்குத் தெரிவிக்கப்பட்டது.

பாதிக்கப்பட்டவருக்குச் சொந்தமான நிறுவனத்தில் ரிம 200,000 வைப்புத்தொகைக்கு வரி விதிக்கப்பட்டதாக மோசடி செய்பவர் கூறினார், பாதிக்கப்பட்டவர் இதை மறுத்தார்.

இதைத் தொடர்ந்து, மோசடி செய்தவர் பாதிக்கப்பட்டவரிடம் காவல் அறிக்கையைப் பதிவு செய்யுமாறு கூறி, அந்த அழைப்பை மலாக்கா காவல் தலைமையகம் என்று கூறப்பட்டவற்றுடன் இணைத்தார்.

அழைப்பு மீண்டும் மற்றொரு நபருடன் இணைக்கப்படுவதற்கு முன்பு, அனைத்து பணப் பரிமாற்றங்களும் உண்மையல்ல என்பதை சரிபார்க்க பாதிக்கப்பட்டவர் கேட்கப்பட்டார், இந்த முறை ஒரு பெண் தான் ஒரு டத்தோ என்றும் மலாக்கா வணிகக் குற்றப் புலனாய்வுத் துறையில் பணிபுரிவதாகவும் கூறினார்.

உரையாடலின் போது, ​​பாதிக்கப்பட்டவர் வாட்ஸ்அப் மூலம் அவருக்கு அனுப்பப்பட்ட ‘பேங்க் நெகாரா’ இணைப்பை நிரப்புவதன் மூலம் அவரது கணக்குகளை சரிபார்க்கும்படி கேட்டுக் கொள்ளப்பட்டார்.

அந்த இணப்பின் வழி ஒரு இணைய செயலியை பதிவிறக்கும் செய்து அதில் தனது வங்கி சார்பான தகவல்களையும் வங்கு கணக்கின் நுழைவு எண்களையும் உட்பட அதில் பதிவேற்றம் செய்தார்.”   

என்று வாசிர்  ஊடகங்களுக்கான அறிக்கையில் தெரிவித்தார்.

பாதிக்கப்பட்டவர் நேற்று முந்தினம்  காலை 10.30 மணியளவில் வங்கி இஸ்லாமுக்குச் சென்றதாகக் கூறினார், அப்போது அவரது கணக்கில் ரிங்கிட் 71,480 குறைவாக இருப்பதாகக் கூறப்பட்டது.

56 வயதான பாதிக்கப்பட்ட அந்த நபர், புதிய வங்கி அட்டை ஒன்றைத் தயாரிப்பதற்காக முமாலத் வங்கிக்குச்(Bank Muamalat) சென்றார், அப்போது மேலும் இரண்டு பரிவர்த்தனைகளில் அவரது கணக்கில் இருந்து RM13,049 எடுக்கப்பட்டதாகத் தெரிவிக்கப்பட்டது.

பாதிக்கப்பட்டவரின் மொத்த இழப்பு RM84,529. பாதிக்கப்பட்டவர் கோத்தா பாரு மாவட்ட காவல்துறை தலைமையகத்திற்கு புகார் அளிக்க வந்தார்.

“இந்த வழக்கு குற்றவியல் சட்டம் பிரிவு 420 இன் கீழ் விசாரிக்கப்பட்டு வருகிறது, மேலும் போலீசார் சந்தேக நபரை தேடி வருகின்றனர்,” என்று அவர் மேலும் கூறினார்.