சரவாக் ஐக்கிய மக்கள் கட்சி அரசு சேவைகளில் இன ஏற்றத்தாழ்வுகளை நிவர்த்தி செய்யுமாறு மாநில அரசை வலியுறுத்தியுள்ளது.

கூச்சிங்கில் நேற்று நடைபெற்ற அதன் மூன்றாண்டு பிரதிநிதிகள் மாநாட்டில்  நிறைவேற்றப்பட்ட ஒரு பிரேரணையில் கட்சி இந்தக் கோரிக்கையை முன்வைத்தாக பிரபல பத்திரிகை அறிக்கையில் வெளியிட்டுள்ளது.

மாநில மற்றும் மத்திய அரசுப் பணியில் உள்ள இன ஏற்றத்தாழ்வு குறித்து ஆய்வு செய்ய சரவாக் அரசாங்கம் அமைச்சரவைக் குழுவை அமைக்க வேண்டும் என்று இந்த இயக்கம் கேட்டுள்ளது.

இப்பிரச்னைக்கு தீர்வு காண யுக்திகள் மற்றும் வழிகாட்டுதல்களை வகுக்குமாறு மாநில அரசுக்கு அழைப்பு விடுத்துள்ளது.

2016 ஆம் ஆண்டில், சரவாக் டிஏபி தலைவர் சோங் சியெங் ஜென் மாநில அரசு பணிகளில் இன ஏற்றத்தாழ்வு குறித்து கேள்வி எழுப்பினார். பின்னர், தயாக் மற்றும் சீன சமூகங்கள் குறைவான பிரதிநிதித்துவம் பெற்றுள்ளதாகவும், மாநிலத்தில் பாதிக்கும் குறைவான அரசு ஊழியர்களே உள்ளனர் என்றும் அவர் கூறினார்.

இதற்கிடையில், மூன்றாண்டு பிரதிநிதிகள் மாநாட்டில் அடுத்த ஆண்டிற்கு  அதன் தலைவராக டாக்டர் சிம் குய் ஹியான் மீண்டும் தேர்ந்தெடுக்கப்பட்டார். சிம் சரவாக் துணை முதல்வராகவும் உள்ளார்.

கட்சியின் புதிய துணைத் தலைவராக செனாடின் சட்டமன்ற உறுப்பினர் லீ கிம் ஷின்  தேர்ந்தெடுக்கப்பட்டார்.

FMT