பெடரல் நீதிமன்றம் ரோஸ்மாவின் மேல்முறையீட்டை தள்ளுபடி செய்தது, ரோஸ்மா மன்சோரின் ஊழல் வழக்கின் தீர்ப்பை கோலாலம்பூர் உயர் நீதிமன்றத்தின் ஜூலை 7-இல் வழங்கும்.

இன்று, சரவாக்கில் உள்ள 369 கிராமப்புற பள்ளிகளுக்கு RM1.25 பில்லியன் சூரியஒளியுடன் ஒத்திய கலப்பின ஆற்றல் திட்டத்துடன் தொடர்புடைய தனது ஊழல் வழக்கை ரத்து செய்யுமாறு முன்னாள் பிரதமர் நஜிப் அப்துல் ரசாக்கின் மனைவி செய்த முறையீட்டை பெடரல் நீதிமன்றம் தள்ளுபடி செய்தது.

ஒருமனதான தீர்ப்பில், நீதிபதி முகமட் ஜவாவி சாலே தலைமையிலான உச்ச அமர்வு அவரது மேல்முறையீட்டை நிராகரித்தது. அதில் நீதிபதிகளாக வெர்னான் ஓங் லாம் கியாட் மற்றும் முகமது ஜாபிடின் முகமட் தியா ஆகியோரும் இருந்தனர்..

கடந்த ஆண்டு டிசம்பர் 6 ஆம் தேதி, ரோஸ்மாவின் ஊழல் வழக்கை ரத்து செய்வதற்கான இரண்டாவது முயற்சியை மேல்முறையீட்டு நீதிமன்றம் மறுத்தது. மேல்முறையீட்டு நீதிமன்றம் அவரது மேல்முறையீட்டின் தகுதியைக் கேட்கவில்லை, மாறாக  அவரது மேல்முறையீட்டிற்கு எதிரான  அரசுத் தரப்பின் ஒரு பூர்வாங்க ஆட்சேபனையை (PO) அனுமதித்தது.

சிவில் நீதிமன்றத்தைப் போலல்லாமல், ரோஸ்மாவின் ஊழல் வழக்கை ரத்து செய்வதற்கான அறிவிப்பு உத்தரவுகளை பிறப்பிக்க ஒரு குற்றவியல் நீதிமன்றத்திற்கு அதிகாரம் இல்லை என்று அரசுத் தரப்பினர் கூறினார்.

முன்னதாக, கடந்த ஆண்டு செப்டம்பர் 24-ம் தேதி, முன்னாள் பெடரல் நீதிமன்ற நீதிபதி கோபால் ஸ்ரீராமின் நியமனக் கடிதம் – (அவரது வழக்கை விசாரிப்பதற்கான நியமனக் கடிதம்) செல்லாது என்று கூறி, தனது ஊழல் வழக்கை ரத்து செய்ய ரோஸ்மாவின் விண்ணப்பத்தை உயர்நீதிமன்றம் தள்ளுபடி செய்தது.

ரோஸ்மா ரிங்கிட் 187.5 மில்லியன் லஞ்சம் கேட்டதாகவும், முன்னாள் ஜெபக் ஹோல்டிங்ஸ் எஸ்டிஎன் பிஎச்டி நிர்வாக இயக்குனர் சைடி அபாங் சம்சுதினிடம் இருந்து 6.5 மில்லியன் ரிங்கிட் பெற்றதாகவும் குற்றம் சாட்டப்பட்டு, ஊழல் வழக்கின் மீதான தீர்ப்பை ஜூலை 7-ம் தேதிக்கு வழங்குமாறு நீதிமன்றம் உத்தரவிட்டது.

அப்போதைய உதவியாளர் ரிசால் மன்சோர் மூலம் அவர் பணம் பெற்றதாகக் கூறப்படுகிறது.

சரவாக்கில் உள்ள கிராமப்புறப் பள்ளிகளுக்கு மின்சாரம் வழங்குவதற்கான 1.25 பில்லியன் ரிங்கிட் ஒப்பந்தத்தை ஜெபக் ஹோல்டிங்ஸ் பெற உதவியதில் ரோஸ்மாவின் பங்கு தொடர்பாக லஞ்சம் கொடுக்கப்பட்டது.

“இதனால் குற்றவியல் நீதிமன்றத்திற்கு அறிவிப்பு நிவாரணம் வழங்க அதிகாரம் உள்ளதா என்ற கேள்வி எழாது,” என்று ஜவாவி கூறினார்.

ரோஸ்மாவின் மற்ற இரண்டு மேல்முறையீடுகளையும் உச்ச நீதிமன்றம் தள்ளுபடி செய்தது.