தென்சீனக் கடலில் ராணுவப் பயிற்சிகளுக்கு சீனா திட்டம்

தென் சீனக் கட­லில் இன்று சீனா கடற்­ப­டைப் பயிற்­சி­களை நடத்­தும் என்று அதன் கடல்­துறை ஆணை­யம் கூறி­யது.

பசி­பிக் வட்­டா­ரத்­தில் சீனா­வின் ராணுவ நட­வ­டிக்­கை­கள் குறித்து மேற்­கத்­திய நாடு­கள் குற்­றம்­சாட்டி வரும் நிலை­யில், சீனா இந்­தப் பயிற்­சி­யில் ஈடு­ப­ட­வுள்­ளது. தென் சீனக் கடல் முதல் பசி­பிக் தீவு­கள் வரை­யி­லான பகு­தி­யில் சீனா­வின் ராணுவ ஆதிக்­கம் அதி­க­ரித்து வரு­வ­தாக அமெ­ரிக்­கா­வும் தொடர்ந்து எச்­ச­ரிக்கை விடுத்து வரு­கிறது.

தெற்கு சீனா­வின் ஹைனான் மாநில கடற்­க­ரை­யி­லி­ருந்து 25 கி.மீ. தொலை­வில் உள்ள கடல் பகு­தி­யில் சீனா பயிற்­சியை மேற்­கொள்­ள­வுள்­ளது.

பயிற்­சி­யின்­போது கிட்­டத்­தட்ட 100 சதுர கிலோ மீட்­டர் பரப்­ப­ளவு பகு­தி­யில் ஐந்து மணி நேரத்­திற்­குக் கடல் போக்­கு­வ­ரத்து மூடப்­பட்­டி­ருக்­கும் என்று கடல்­சார் பாது­காப்பு நிர்­வா­கத்தின் அறிக்­கை­யில் தெரி­விக்­கப்­பட்­டுள்­ளது.

அடுத்த வாரம் ஹைனா­னுக்கு அரு­கி­லுள்ள மற்­றொரு கடல் பகு­தி­யில் மேலும் ஒரு பயிற்­சிக்கு சீனா திட்­ட­மி­டப்­பட்­டுள்­ளது. அத்­து­டன் நாட்­டின் கிழக்கு கடற்­கரை­யோ­ரத்­திலும் மேலும் சில பயிற்­சி­கள் நடத்­தப்­ப­ட­வுள்­ளன.

இதே­போன்ற பயிற்­சி­களை சீனா நடத்­து­வது வழக்­க­மா­னது. ஆனால், சீனா­வின் ராணுவ ஆதிக்­கம் குறித்து அமெ­ரிக்­கா­வும் மேற்­கத்­திய நாடு­களும் எச்­ச­ரித்து வரும் நிலை­யில், இந்த பயிற்­சி­கள் முக்­கி­யத்­து­வம் பெறு­கின்றன.

தைவான் தொடர்­பில் சீனா பதற்­றத்தை அதி­க­ரிப்­ப­தாக அமெ­ரிக்க வெளி­யு­ற­வுத்­துறை அமைச்­சர் ஆண்­டனி பிளிங்­கன் வியா­ழக்­கிழமை குற்­றம் சாட்­டி­னார். தைவான் வான்­ப­ரப்­பில் அன்­றா­டம் சீன போர் விமா­னங்­கள் பறப்­பதை அப்­போது அவர் சுட்­டி­னார்.

இதற்­கி­டையே, சீனா-பசி­பிக் தீவு­க­ளுக்கு இடையே பரந்த பாது­காப்பு ஒத்­து­ழைப்பை வலுப்­ப­டுத்து­வ­தற்­கான திட்­டத்­தைக் காட்­டும் ஆவ­ணங்­கள் கசிந்­த­தாக ஆஸ்­தி­ரே­லியா, நியூ­சி­லாந்து உள்­ளிட்ட அர­சாங்­கங்­கள் எச்­ச­ரித்­தன.

ஆனால், பசி­பிக் தீவு­க­ளு­ட­னான தனது ஒத்­து­ழைப்பு ‘எந்த நாட்­டை­யும் குறி­வைத்து’ ஏற்­ப­டுத்­தப்­ப­ட­வில்லை என்று சீனா கூறியது.

 

 

Tamilmurasu