அகதிகளுக்கான ஐக்கிய நாட்டு கமிசன் (United Nations High Commission for Refugees)  அட்டை வைத்திருப்பவர்கள் கண்காணிப்பு, உதவி மற்றும் வேலை வாய்ப்புக்கள் என்பவற்றின் நோக்கத்திற்காக அகதிகளைக் கண்காணிப்பதற்கான டிரிஸ் என்ற  தகவல் முறைமையில் (Tracking Refugees Information System- TRIS) உடனடியாகப் பதிவு செய்யுமாறு ஊக்குவிக்கப்படுகின்றனர்.

டிரிஸ் அமைப்பில் பதிவு செய்து சிறப்பு MyRC அடையாள அட்டை வைத்திருப்பவர்களுக்கு மட்டுமே அரசு வழங்கும் வசதிகளை அணுகலாம் என்று உள்துறை அமைச்சர் ஹம்சா ஜைனுதீன் கூறினார்.

பொது சுகாதார சேவைகள், பதிவு செய்யப்பட்ட மாற்று வழிகாட்டல் நிலையங்களில் கல்வி, வேலை வாய்ப்புகள் மற்றும் குறிப்பாகத் தோட்டம், கட்டுமானம் மற்றும் உற்பத்தித் துறைகளில் பயிற்சி போன்ற வசதிகள் உள்ளன என்றார்.

அதுமட்டுமல்லாமல், பின்னர் அறிமுகப்படுத்தப்படும் பல்வேறு புதிய முயற்சிகளைச் செயல்படுத்துவதன் மூலம் சிறப்பு அட்டைதாரர்களின் இருப்பிடத்தை மிகவும் திறமையாகக் கண்காணிப்பதை அரசாங்கத்திற்கு எளிதாக்க முடியும் என்று அவர் கூறினார்.

“மலேசியா அகதிகள் குழுவை அங்கீகரிக்கவில்லை என்ற உறுதியான நிலைப்பாட்டைக் கொண்டிருந்தாலும், மனிதாபிமான அடிப்படையில், அரசாங்கம் ஒவ்வொரு  நபரின் நிலைமை  அடிப்படையில் குழுவை நிர்வகிக்கிறது,” என்று அவர் சுங்கை பூலோவில் உள்ள டிரிஸ் பதிவு மையத்தில் ஒரு கணக்கெடுப்பை நடத்திய பின்னர் செய்தியாளர்களிடம் கூறினார்.

UNHCR அட்டை வைத்திருப்பவர்களைக் கணினியில் மீண்டும் பதிவு செய்வது, உயர் பாதுகாப்பு அம்சங்களுடன் கூடிய மேம்பட்ட தொழில்நுட்பத்தைப் பயன்படுத்தி மிகவும் முழுமையான விவரக்குறிப்பு செயல்முறையின் மூலம் செல்லும் என்றும், அதை உள்துறை அமைச்சகத்தால் சரிபார்க்கப்பட வேண்டும் என்றும் ஹம்சா கூறினார்.

கடந்த ஜூலை 22 ஆம் தேதி, நாட்டில் உள்ள அனைத்து UNHCR அட்டை வைத்திருப்பவர்களுக்கும் பெரிய அளவில் TRISஐப் பயன்படுத்த அரசாங்கம் ஒப்புதல் அளித்தது.

ஜூலை 23 அன்று, ஹம்சா, அகதிகள் இருக்கும் இடத்தைக் கண்டறிய, UNHCR கார்டுகளை வைத்திருக்கும் தனிநபர்களின் அனைத்துத் தரவுகளும் டிரிஸில் மீண்டும் பதிவு செய்யப்படுவதை உறுதிசெய்ய இந்த அமைப்பு அங்கீகரிக்கப்பட்டதாகக் கூறப்பட்டது.

டிரிஸ் என்பது ஒரு தரவுத்தள அமைப்பாகும், இது UNHCR அட்டைதாரர்கள் மற்றும் புகலிடக் கோரிக்கையாளர்களின் நிலை மற்றும் தரவு சேகரிப்பு, பதிவுசெய்தல், சுயவிவர சேமிப்பு, பகுப்பாய்வு மற்றும் அரசாங்கத்திற்கான அறிக்கையிடல் செயல்முறைகளுடன் மேலாண்மை மற்றும் சுயவிவர செயல்முறைகளை மேம்படுத்துவதுடன் தொடர்புடையது.