இஸ்மாயில் சப்ரி யாக்கோப் போட்டியிட்ட பெரா நாடாளுமன்றத் தொகுதி 15வது பொதுத் தேர்தலில் (GE15)வாக்களித்த ராணுவ வீரர்களுக்கு ரிம 300 வழங்கப்பட்டதாக பிகேஆர் தலைவர் அன்வார் இப்ராஹிம் குற்றம் சாட்டினார்.
கோலா தெரெங்கானுவில் இன்று நடந்த ஒரு நிகழ்ச்சியில் பேசிய அன்வார், ராணுவ வீரர்களுக்கு 300 ரிங்கிட் வழங்கப்பட்டதாக குற்றம் சாட்டினார்.
“இன்று காலை ராணுவ வீரர்கள் மற்றும் தபால் வாக்காளர்கள் வாக்களிக்கத் தொடங்கியுள்ளதாக எனக்கு உண்மையான தகவல் கிடைத்துள்ளது. இது தேர்தல் ஆணையத்தின் (EC) விதிமுறைகளை மீறுவதாகும்.
“குறிப்பாக, பெரா நாடாளுமன்றத் தொகுதியில் (வாக்காளர்களுக்கு) RM300 வழங்கப்படுகிறது,” என்று அவர் நிகழ்வில் கலந்துகொண்ட சுமார் 100 பேரிடம் கூறினார்.
பக்காத்தான் ஹராப்பான் தலைவரான அன்வார் கூறுகையில், “எங்கள் வாக்குப்பதிவுகள் பாதிக்காமல் இருக்க, கடுமையான நடவடிக்கை எடுக்குமாறு தேர்தல் ஆணையத்திற்கு நான் அறிவுறுத்த விரும்புகிறேன்”.
“வெளிப்படையாக, இஸ்மாயில் சப்ரி மற்றும் பாதுகாப்பு அமைச்சர் ஹிஷாமுடின் ஹுசைன் கவலையடைந்துள்ளனர்.
பிஎன் அதன் மோசமான நிலையில் இருப்பதை அவர்கள் அறிந்திருக்கிறார்கள், அவர்கள் இதை நாடுவதற்கு பெரிக்காத்தான் உடன் சதி செய்கிறார்கள்.
“இந்த விஷயத்தை சரிசெய்யயுமாறு நான் கேட்டுக்கொள்கிறேன், அதாவது இன்று இராணுவம் மற்றும் காவல்துறையினரால் போடப்பட்ட வாக்குகள் ரத்து செய்யப்பட வேண்டும் – மேலும் நவம்பர் 15 ஆம் தேதி வாக்களிக்க அனுமதிக்க வேண்டும்,” என்று அன்வார் வலியுறுத்தினார்.
