விலைமதிப்பில்லாதா தனது சொத்துக்களை அறிவித்த அருள், பிற வேட்பாளர்களும் தொடர வேண்டும் என்கிறார்

பிஎஸ்எம் துணைத் தலைவர் எஸ் அருட்செல்வன் சிலாங்கூரில் காஜாங் தொகுதிக்கான போட்டியில் எதிர் தரப்பினரும் தங்கள் சொத்துக்களை அறிவிக்குமாறு சவால் விடுத்துள்ளார்.

“சொத்து அறிவிப்பு – மறைக்க எதுவும் இல்லை, சொத்துக்களை அறிவிப்பது முக்கியம், ஏனெனில் வேட்பாளர் நேர்மையானவர் என்பதைக் காட்டுகிறது.”

“நாங்கள் தேர்தலில் நிற்கும் ஒவ்வொரு முறையும் பிஎஸ்எம் இதை நடைமுறைப்படுத்துகிறது, இதனால் பொதுமக்கள் தங்கள் வேட்பாளர்களைக் கண்காணிக்க முடியும்.”

“அரசாங்கம் அவர்களை வற்புறுத்துவதால் சிலர் சொத்து அறிவிப்புகளை செய்கிறார்கள். ஆனால் பிஎஸ்எம் கட்சிதான் தேர்தலுக்கு முன் தானாக முன்வந்து சொத்துக்களை அறிவிக்கும்” என்று அருட்செல்வன் மேலும் கூறினார்.

அவரது சொத்துக்களைப் பொறுத்தவரை, அவை RM324,000 ஆகும். இதில் RM200,000 மதிப்புள்ள ஒரு வீடு மற்றும் RM27,000 விலைக் குறி கொண்ட புரோட்டான் சாகா 1.3 ஆகியவை அடங்கும்.

“நிச்சயமாக, எனக்குப் பிடித்த ஹோண்டா இஎக்ஸ்-5 மோட்டார்சைக்கிள் உள்ளது, அதன் மதிப்பு ரிம500. ஆனால் என்னைப் பொறுத்தவரை இது விலைமதிப்பற்றது, ”என்று அவர் கூறினார்.

அருட்செல்வன் பிரச்சாரத்தில்

அருட்செல்வன் தனக்கு இரண்டு வங்கிக் கணக்குகள் இருப்பதாகவும், அதில் ஒன்று ரிங்கிட் 86,000க்கு மேல் உள்ள மேபேங்கில் உள்ளதாகவும் தெரிவித்தார்.

“ஆனால் இந்தக் கணக்கில் உள்ள பெரும்பாலான பணம் என்னுடையது அல்ல. இது ‘தபுங் பன்டுவான் ரக்யாட்’ க்கு சொந்தமானது, இது வருடாந்திர பொதுக் கூட்டத்தின் போது நான் ஆண்டுதோறும் அறிவிக்கிறேன், ”என்று அவர் மேலும் கூறினார்.

சிம்பனன் நேஷனல் வங்கியில் உள்ள மற்ற கணக்கில் அவருக்குச் சொந்தமான ரிம2,752 இருப்பு இருப்பதாக அருட்செல்வன் கூறினார்.

“நான் யாரோ ஒருவரின் கீழ் வேலை செய்யவில்லை.. எனது ஆக்டிவிசம் பணிக்காக மாதந்தோறும் RM2,000 பங்களிக்கிறார் என் மனைவி.

“நாங்கள் இப்போது காஜாங்கில் உள்ள மற்ற இரண்டு வேட்பாளர்களுக்கும் அவர்களின் சொத்துக்களை அறிவிக்க கோரி சவால் விடுகிறோம்,” என்று அவர் மேலும் கூறினார்.

காஜாங்கிற்கான போரில் அருட்செல்வன் பக்காத்தான் ஹராப்பானின் டேவிட் சியோங் மற்றும் பெரிக்காத்தான் நேசனலின் லியூ சின் கிம் ஆகியோரை எதிர்கொள்கிறார். 2008 முதல் பிகேஆர் இந்த இடத்தைக் கட்டுப்படுத்தி வருகிறது.

ஒரு தனி வீடியோவில், முன்னாள் பெர்சே தலைவர் அம்பிகா ஸ்ரீநிவாசன் (மேலே) அருட்செல்வனுக்கு வாழ்த்து தெரிவித்தார்.

“எனக்கு அருளை மிக நீண்ட நாட்களாக தெரியும். பெர்சே நாட்களில் நான் அவரை நன்கு அறிந்தேன். புக்கிட் அமான் (ஃபெடரல் போலீஸ் தலைமையகம்) வெளியே நின்றது எனக்கு நினைவிருக்கிறது.

“அவர் விடாப்பிடியாகவும் தைரியமாகவும்  இருந்தார். மேலும் அவர் எதையாவது உறுதியாக நம்பும்போது அதை விட்டுவிடுவதில்லை. அவர் அச்சமற்றவர். போராடுவதற்கு காரணம் இருந்தால் போராடுவார். நீங்கள் ஏழையாகவும் தாழ்த்தப்பட்டவராகவும் இருந்தால் அவர் இன்னும் அதிகமாக போராடுவார், ”என்று அருளின் தியாக உணர்வு கொண்ட சேவை திரணை வெகுவாக பாராட்டினார்.