மவுண்ட் லெவோடோபி லக்கி-லாகியின் நேற்று வெடிப்புக்குப் பிறகு பாலி, லோம்போக் மற்றும் லாபுவான் பாஜோவிற்குச் செல்லும் மற்றும் திரும்பும் ஏராளமான விமானங்களை ஏர் ஆசியா ரத்து செய்துள்ளது அல்லது மறு அட்டவணையிடுகிறது.

கிழக்கு சுற்றுலாத் தீவான புளோரஸில் உள்ள 1,703 மீட்டர் உயர இரட்டை சிகர எரிமலை, மவுண்ட் லெவோடோபி லக்கி-லாகியின் வெடிப்பு 10 கி.மீ. உயரத்திற்கு சாம்லை உயர்த்தியது.

இந்தோனேசியாவின் கிழக்கு நுசா தெங்காரா பகுதியில் உள்ள எரிமலை சாம்பல் மேகங்கள் பாதுகாப்பான விமான நடவடிக்கைகளுக்கு குறிப்பிடத்தக்க அச்சுறுத்தலை ஏற்படுத்தக்கூடும் என்று ஏர் ஆசியா ஒரு அறிக்கையில் தெரிவித்துள்ளது.

இந்த சம்பவத்தால் ஏர்ஏசியா மலேசியா (AK), ஏர்ஏசியா இந்தோனேசியா (QZ) மற்றும் ஏர்ஏசியா எக்ஸ் மலேசியா (D7) ஆகிய நிறுவனங்களால் இயக்கப்படும் விமானங்கள் பாதிக்கப்பட்டுள்ளன.

இந்த நேரத்தில் தனது பயணிகளை  உதவுவதில் உறுதியாக இருப்பதாகவும், பாதிக்கப்பட்ட அவர்களின் விமான நிலை மற்றும் மீட்பு விருப்பங்கள் குறித்து அறிவித்துள்ளதாகவும் ஏர்ஏசியா தெரிவித்துள்ளது.

அடுத்த விமானத்தில்  தங்கள் பயணங்களை பாதுகாப்பாக மீண்டும் தொடங்க முடியும் என்பதை உறுதிசெய்ய செயல்பட்டு வருவதாகவும் அது தெரிவித்துள்ளது.

“மவுண்ட் லெவோடோபி லக்கி-லக்கி எரிமலை செயல்பாட்டை ஏர்ஏசியா தொடர்ந்து கண்காணித்து வருகிறது, மேலும் சாதாரண நடவடிக்கைகள் மீண்டும் தொடங்கப்பட்டவுடன் அதன் பயண ஆலோசனையைப் புதுப்பிக்கும்” என்று அது கூறியது.

இன்று முன்னதாக, சர்வதேச செய்தி நிறுவனமான AFP, எரிமலை வெடிப்பு காரணமாக பாலிக்குச் சென்று அங்கிருந்து புறப்படும் குறைந்தது இரண்டு டஜன் விமானங்கள் ரத்து செய்யப்பட்டதாக செய்தி வெளியிட்டது.

ரத்து செய்யப்பட்ட விமானங்களில் ஆஸ்திரேலியா முழுவதும் உள்ள நகரங்களுக்கான ஜெட்ஸ்டார் மற்றும் விர்ஜின் ஆஸ்திரேலியா விமானங்கள் அடங்கும் என்றும், ஏர் இந்தியா, ஏர் நியூசிலாந்து, சிங்கப்பூரின் டைகர்ஏர் மற்றும் சீனாவின் ஜூன்யாவோ ஏர்லைன்ஸ் விமானங்களும் ரத்து செய்யப்பட்டதாகவும் பாலியின் சர்வதேச விமான நிலைய வலைத்தளம் தெரிவித்துள்ளது.

புளோரஸில் உள்ள லாபுவான் பாஜோவிற்கு புறப்படும் பல உள்நாட்டு ஏர்ஏசியா விமானங்களும் ரத்து செய்யப்பட்டன.

எரிமலை சாம்பல் மவுண்ட் லெவோடோபி லக்கி-லக்கியைச் சுற்றியுள்ள பல கிராமங்களில் நேற்று இரவு பெய்ததால் குறைந்தது ஒரு கிராமத்தையாவது வெளியேற்ற வேண்டிய கட்டாயம் ஏற்பட்டது. சேதங்கள் அல்லது உயிரிழப்புகள் குறித்து உடனடி தகவல்கள் எதுவும் இல்லை.

நவம்பரில், மவுண்ட் லெவோடோபி லக்கி-லக்கி பல முறை வெடித்து ஒன்பது பேர் கொல்லப்பட்டனர், சுற்றுலாத் தீவான பாலிக்கு செல்லும் ஏராளமான சர்வதேச விமானங்கள் ரத்து செய்யப்பட்டன, ஆயிரக்கணக்கானோர் வெளியேற வேண்டிய கட்டாயம் ஏற்பட்டது.