கெந்திங் ஹைலேண்ட்ஸில் சட்ட அமலாக்கத்துறையினரின் தடையின்றி பெரிய அளவிலான போதைப்பொருள் கடத்தல் கும்பல் ஒன்று இயங்கி வருவதாக சமூக ஊடகங்களில் பரவி வரும் தகவல்களை பகாங் மாநில காவல்துறை மறுத்துள்ளது. Bernama செய்தி நிறுவனத்தின்படி, பகாங் மாநிலத்தின் தற்காலிக காவல்துறைத் தலைவர் அஸ்ரி அக்மார் அயூப், அவ்வாறு ஒரு போதைப்பொருள் கும்பல் இருந்திருந்தால் தாங்கள் தீர விசாரித்து தகுந்த நடவடிக்கை எடுத்திருப்போம் என்று இன்று குவாந்தானில் தெரிவித்தார்.

காவல்துறையில் புகார் அளிக்கப்படும் வரை, எந்த இடத்திலும் நடக்கும் குற்றச் சம்பவங்கள் குறித்து நாங்கள் விசாரித்து தகுந்த நடவடிக்கை எடுப்போம், என்று அவர் கூறினார்.

சமூக ஊடகப் பயனர் ஒருவர் தனது திரெட்ஸ் பதிவில், கெந்திங் ஹைலேண்ட்ஸில் பெரிய அளவிலான போதைப்பொருள் கடத்தல் கும்பல் ஒன்று இயங்கி வருவதாகவும், பல புகார்கள் அளிக்கப்பட்டும் காவல்துறை எந்த நடவடிக்கையும் எடுக்கவில்லை என்றும் குற்றம் சாட்டியிருந்தார்.

மற்றொரு நிகழ்வாக, கடந்த வெள்ளிக்கிழமை ஜாலான் தெமர்லோ-த்ரியாங் 9-வது கிலோமீட்டரில் நேரிட்ட பயங்கர விபத்து தொடர்பாகக் கைது செய்யப்பட்ட எரிபொருள் லாரி ஓட்டுநர், அவரது தடுப்புக் காவல் (Remand) காலம் முடிவடைவதைத் தொடர்ந்து நாளை விடுவிக்கப்படுவார் என்று அஸ்ரி தெரிவித்தார்.

அபாயகரமான அல்லது அலட்சியமாக வாகனத்தை ஓட்டி மரணத்தை ஏற்படுத்திய குற்றத்திற்காக, அந்த 37 வயது நபர் மீது சாலைப் போக்குவரத்துச் சட்டம் 1987-இன் பிரிவு 41(1)-இன் கீழ் விசாரணை நடத்தப்பட்டு வருவதாக அவர் கூறினார்.

32,000 லிட்டர் டீசல் மற்றும் பெட்ரோலை ஏற்றிச் சென்ற எரிபொருள் லாரி, அவர்களின் காரின் மீது மோதி விபத்துக்குள்ளானதில், இரு வாகனங்களும் தீப்பற்றி எரிந்து அவர்கள் இருவரும் உயிரிழந்தனர்.

எரிபொருள் லாரியின் ஓட்டுநர் சிறு காயங்களுடன் உயிர் தப்பினார்.

DNA பரிசோதனை மூலம் உயிரிழந்த இருவர், நூர் ஃபாத்திமா அப்துல்லா (39) மற்றும் அவரது மகன் ஃபத்தா ஐசி நௌஃபல் சைஃபுல்நிஜாம் (12) என அடையாளம் காணப்பட்டுள்ளதாகவும் அவர் தெரிவித்தார்.

 

 

 

-fmt