போர்ட் கிளாங்கில் காற்றுத் தூய்மைக் கேட்டுக் குறியீடு அபாய அளவை  எட்டியுள்ளதாக சிலாங்கூர் ஆட்சி மன்ற உறுப்பினர் இயான் யோங் ஹியான் வா  கூறினார்.

“போர் ட் கிளாங்கில் உள்ள உணர்வுக் கருவிகளில் (Sensors) பிற்பகல் மூன்று மணி  அளவில் அந்தக் குறியீடு 314ஐ தாண்டியது. மற்ற கண்காணிப்பு நிலையங்களில்  பிற்பகல் மூன்று மணிக்கு 200க்குக் கீழ் அந்தக் குறியீடு பதிவானது,” என அவர்  தமது முகநூல் பக்கத்தில் எழுதியுள்ளார்.

அத்துடன் தேசியப் பாதுகாப்பு மன்றத்தின் பேரிடர் முகநூல் தகவல் பக்கத்தில்  மாலை மணி 4.30 வாக்கில் காற்றுத் தூய்மைக் கேட்டுக் குறியீடு 317 ஆக  இருந்தது எனக் குறிக்கப்பட்டிருந்தது.

அந்த மன்றம் தனது தகவலுக்கு சுற்றுச்சூழல் துறையை ஆதாரமாக காட்டியுள்ளது.