நெகிரி செம்பிலான் அரசாங்கத்தை அமைப்பதில் வெற்றி பெற்றால், இரு கூட்டணிகளும் தங்களது தேர்தல் அறிக்கைகளை ஒருங்கிணைக்க முடியும் என்று கூறி, பெரிக்காத்தான் நேஷனல் கூட்டணியின் போட்டி வாக்குறுதிகள் குறித்த கவலைகளை பாரிசான் நேஷனல் தணிக்க முயன்றுள்ளது.

தேர்தலில் கூட்டாகப் போட்டியிடுவதற்கு இரு கூட்டணிகளுக்கும் இடையே ஒரு “புரிந்துணர்வு” மட்டுமே இருந்தது என்றும், அது தனது சொந்த தேர்தல் அறிக்கையை செயல்படுத்துவதற்கான பாரிசானின் அர்ப்பணிப்பை மாற்றாது என்றும் பிஎன் தலைவர் அகமது ஜாஹித் ஹமிடி கூறியதாக வட்டாரங்கள் செய்தி வெளியிட்டுள்ளது.

பாரிசானின் தேர்தல் அறிக்கை பெரிக்கத்தானிற்கானது, மக்கள் ஆணை மீண்டும் எங்களுக்கு வழங்கப்பட்டால் அதை நாங்கள் செயல்படுத்துவோம், என்று இன்று சுவா, கம்பங் பாசித்தானில் உள்ள சீன சமூக உறுப்பினர்களை சந்தித்த பிறகு அவர் கூறியதாக மேற்கோள் காட்டப்பட்டுள்ளது.

பாரிசான் மற்றும் பெரிக்கத்தான் ஆகிய இரு கூட்டணிகளும் வெவ்வேறு தேர்தல் அறிக்கைகளைக் கொண்டுள்ளன என்றும், இரண்டுமே இணைந்து அடுத்த மாநில அரசாங்கத்தை அமைத்தால் எந்த அறிக்கை அமல்படுத்தப்படும் என்றும் பெர்சத்து தலைவர் முஹைதீன் யாசின் கேள்வி எழுப்பியதைத் தொடர்ந்து அவருடைய இந்த கருத்துக்கள் வெளிவந்துள்ளன.

இருப்பினும், பாரிசான் கூட்டணி பெரிகாத்தான் நேனலின் தேர்தல் அறிக்கையில் உள்ள கூறுகளைச் சேர்த்துக்கொள்ளத் தயாராக இருப்பதாகக் கூறிய ஜாகித், இரு கூட்டணிகளும் ஒத்த இலக்குகளைப் பகிர்ந்து கொள்வதால் இதில் எந்தச் சிக்கலும் இல்லை என்றும் விவரித்தார்.

நிச்சயமாக, எங்களது கூட்டணிக் பங்காளிகள் வெளிப்படையாகவும் மறைமுகமாகவும் குறிப்பிட்டுள்ள விஷயங்களை நாங்கள் கணக்கில் எடுத்துக்கொள்வோம். நெகிரி செம்பிலானில் உள்ள சமூகத்தின் அனைத்துப் பிரிவினரையும் நாங்கள் உள்ளடக்கியுள்ளதால், இதில் எந்தப் பிரச்சினையும் இருக்கும் என்று நான் நினைக்கவில்லை.

இரு கூட்டணிகளின் தேர்தல் அறிக்கைகளும் இறுதியில் ஒன்றிணைக்கப்படுமா என்று கேட்கப்பட்ட கேள்விக்கு, அதைச் சாதிக்க முடியும் என்று ஜாஹித் கூறினார்.

நாங்கள் எங்கள் முயற்சிகளை ஒன்றிணைத்து வருகிறோம், அவர்களுக்கும் நமக்கும் இடையே பெரிய வித்தியாசம் இருப்பதாக நான் நினைக்கவில்லை. நாம் இணைந்து செயல்பட முடியும் என்று நான் நம்புகிறேன், என்று அவர் கூறினார்.

 

 

-fmt