வானிலை ஆய்வுத் துறை தெரிவித்ததன்படி, ஜொகூர், மலாக்கா, நெகிரி செம்பிலான், புத்ராஜெயா, கோலாலம்பூர், சிலாங்கூர் மற்றும் அதனைச் சுற்றியுள்ள பகுதிகளில் நில அதிர்வுகள் உணரப்பட்டன.

வானிலை ஆய்வுத் துறை தெரிவித்ததாவது, நிலநடுக்கத்தின் மையப்புள்ளி பத்து பஹாட் நகருக்கு தென்மேற்கே 27 கி.மீ தொலைவில், 10 கி.மீ ஆழத்தில் அமைந்திருந்தது.

மலேசிய வானிலை ஆய்வு துறை (MetMalaysia), இன்று மாலை 4.55 மணியளவில் ஜோகூர் மாநிலத்தின் பத்து பஹாட் கடற்பகுதியில் 4.4 ரிக்டர் அளவிலான நிலநடுக்கம் ஏற்பட்டதாக பதிவு செய்துள்ளது.

இந்த நிலநடுக்கத்தின் மையப்பகுதி பத்து பஹாட்டிலிருந்து 27 கிலோமீட்டர் தென்மேற்கே, வடஅட்சரேகை 1.7 டிகிரி மற்றும் கிழக்கு தீர்க்கரேகை 102.7 டிகிரி என்ற புவியியல் அமைவிடத்தில், 10 கிலோமீட்டர் ஆழத்தில் இருந்ததாக அந்தத் துறை தெரிவித்துள்ளது.

“ஜொகூர், மலாக்கா, நெகிரி செம்பிலான், புத்ராஜெயா, கோலாலம்பூர், சிலாங்கூர் மற்றும் அதைச் சுற்றியுள்ள பகுதிகளில் நிலநடுக்க அதிர்வுகள் உணரப்பட்டன,” என்று மெட் மலேசியா வெளியிட்ட அறிக்கையில் தெரிவித்துள்ளது.

நிலைமையைத் தொடர்ந்து கண்காணித்து வருவதாகவும் அந்தத் துறை தெரிவித்துள்ளது.

கடந்த மாதமும் பத்து பஹாட் கடற்பகுதியில் 3.1 ரிக்டர் அளவிலான லேசான நிலநடுக்கம் பதிவாகியிருந்தது.

ஆகஸ்ட் 25ஆம் தேதி ஏற்பட்ட அந்த நிலநடுக்கம், பத்து பஹாட்டிலிருந்து சுமார் 18 கிலோமீட்டர் தென்மேற்கே, 10 கிலோமீட்டர் ஆழத்தில் ஏற்பட்டதாக மெட் மலேசியா அப்போது தெரிவித்திருந்தது.