இரீன் சோஃபியா கைருல் பைசல், 16 வயது, சனிக்கிழமை மாலை பள்ளியில் இறந்த நிலையில் கண்டுபிடிக்கப்பட்டார்.
புக்கிட் அமான் குற்றப் புலனாய்வுத் துறை (CID) தலைவர் எம். குமார், அந்தச் சிறுமியின் கொலை தொடர்பான விசாரணை முழுமையானதாகவும், வெளிப்படையானதாகவும், தொழில்முறையானதாகவும் இருக்கும் என்பதை காவல்துறை உறுதி செய்யும் என்று தெரிவித்தார்
யோங் பெங், ஜொகூரில் உள்ள ஒரு பள்ளியில் சனிக்கிழமை கொலை செய்யப்பட்ட படிவம் 4 மாணவி, தலையில் ஏற்பட்ட பலத்த அடியால் (blunt trauma) உயிரிழந்ததாக மத்திய காவல்துறை தெரிவித்துள்ளது.
புக்கிட் அமான் குற்றப் புலனாய்வுத் துறைத் தலைவர் எம். குமார் கூறுகையில், நேற்று பத்து பஹாட்டில் உள்ள சுல்தானா நோரா இஸ்மாயில் மருத்துவமனையில் நடைபெற்ற பிரேதப் பரிசோதனையில் இது உறுதி செய்யப்பட்டதாக தெரிவித்தார்.
ஒரு அறிக்கையில், இந்தச் சம்பவம் தொடர்பான விசாரணை முழுமையான, வெளிப்படையான மற்றும் தொழில்முறை முறையில் நடைபெறுவதை காவல்துறை உறுதி செய்யும் என்றும், எந்தத் தரப்பினரையும் பாதுகாக்கும் வகையில் விசாரணை மறைக்கப்படாது என்றும் குமார் தெரிவித்தார்.
இந்தச் சம்பவத்திற்கான நோக்கம் மற்றும் காரணம் குறித்து விசாரணை இன்னும் நடைபெற்று வருகிறது.
“விசாரணைக்கு இடையூறு ஏற்படுத்தக்கூடிய வகையில், வாய்மொழியாகவோ அல்லது சமூக ஊடகங்கள் மூலமாகவோ ஊகங்கள் அல்லது கருத்துகளை வெளியிட வேண்டாம் என்று பொதுமக்களை எச்சரிக்கிறோம்,” என்று அவர் கூறினார்.
16 வயதான ஐரீன் சோஃபியா கைரூல் ஃபைசல், டியூஷன் வகுப்பு முடிந்து வீடு திரும்பாததால் அவரைத் தேடிச் சென்ற அவரது பாட்டியால், பள்ளி மண்டபத்தில் உயிரிழந்த நிலையில் கண்டுபிடிக்கப்பட்டார்.
கொலை தொடர்பான விசாரணைக்கு உதவுவதற்காக 16 வயதுடைய மூன்று ஆண் மாணவர்கள் கைது செய்யப்பட்டுள்ளனர். அவர்களில் ஒருவருக்கு அக்டோபர் 9ஆம் தேதி வரை ஆறு நாட்கள் காவல் விசாரணை (remand) உத்தரவு பிறப்பிக்கப்பட்டுள்ளது.
