காணாமல் போன 54 பேரின் நெருங்கிய உறவினர்களிடமிருந்து கடன் வசூலிப்பதைத் தற்காலிகமாக நிறுத்துவதற்கு நிதி நிறுவனங்கள் கொள்கை அளவில் ஒப்புக்கொண்டுள்ளன.

நெபாளத்தில் ஏற்பட்ட வெள்ளப்பெருக்கில் காணாமல் போன 54 மலேசியர்களின் உறவினர்களைப் பிரதிநிதித்துவப்படுத்தும் குழு ஒன்று, குடும்பங்களின் நலனைப் பாதுகாக்க முறைப்படுத்தப்பட்ட நிதியியல் பாதுகாப்பு கட்டமைப்புக்கான முன்மொழிவை மலேசிய மைய வங்கையான பேங்க் நெகாராவிற்குச் (Bank Negara Malaysia) சமர்ப்பிக்கப்பட்டுள்ளது.

 

இக்குழுவின் பேச்சாளர் ஆர். மணிவண்ணன், இந்த முன்மொழிவு பொறுப்பு பாதுகாப்பு (liability defence), சொத்து பாதுகாப்பு மற்றும் வணிக தொடர்ச்சி (business continuity) ஆகியவற்றுக்கான தீர்வுகளை விரிவாகக் கூறுவதாகத் தெரிவித்தார்.

வங்கி, நிதி மற்றும் தகாஃபுல் (takaful – இஸ்லாமியக் காப்பீடு) சங்கப் பிரதிநிதிகளிடம் 20 பக்கங்களைக் கொண்ட தனி ஆவணம் சமர்ப்பிக்கப்பட்டது.

மலேசிய மைய வங்கி அதிகாரிகளுடனான சந்திப்பைத் தொடர்ந்து, முறையான வழிகாட்டுதல்கள் முடிவு செய்யப்படும் வரை கடன் வசூல் நடவடிக்கைகளைத் தற்காலிகமாக நிறுத்த நிதி நிறுவனங்கள் கொள்கை அளவில் ஒப்புக்கொண்டுள்ளதாக மணிவண்ணன் தெரிவித்தார்.

கோலாலம்பூரில் உள்ள Asian Institute of Chartered Bankers கட்டிடத்திற்கு வெளியே செய்தியாளர்களிடம் பேசிய அவர், “தற்போதைக்கு எந்த நடவடிக்கையும் எடுக்கப்படாது என்றும், ஒரு ஒப்பந்தம் எட்டப்படும் வரை குடும்பத்தினரிடம் கடன் தொகையை வசூலிக்கத் துரத்த மாட்டோம் என்றும் அனைவரும் கொள்கை அளவில் ஒப்புக்கொண்டனர்” என்றார்.

தற்போதைக்கு, ஓர் உடன்பாடு எட்டப்படும் வரை எந்த நடவடிக்கையும் எடுக்கப்படாது என்பதில் அனைவரும் கொள்கை அளவில் ஒப்புக்கொண்டுள்ளனர். பணம் செலுத்துமாறு குடும்பத்தினரைத் தொடர்ந்து வற்புறுத்தவும் மாட்டார்கள்,” என்று அவர் இன்று இங்குள்ள ஆசிய பட்டய வங்கியாளர்கள் நிறுவனக் கட்டடத்திற்கு(Asian Institute of Chartered Bankers) வெளியே செய்தியாளர்களிடம் தெரிவித்தார்

முன்மொழியப்பட்ட கட்டமைப்பின் கீழ், திரண்ட வட்டி, தாமதக் கட்டண அபராதங்கள் மற்றும் தன்னிச்சையான கடன் தவணை நீட்டிப்பு ஆகியவற்றை வெளிப்படையாகத் தள்ளுபடி செய்யும் முழுமையான கடன் தற்காலிகத் தடையை (loan moratorium) வங்கிகள் வழங்க வேண்டும் என்று இக்குழு கோருகிறது.

முன்மொழிவின் பிற உள்ளடக்கங்களை மணிவண்ணன் வெளிப்படுத்தவில்லை.

காணாமல் போன பாதிக்கப்பட்டவர்களின் தற்போதைய நிலை சட்டப்பூர்வமான நிச்சயமற்ற தன்மையில் (legal limbo) உள்ளதாகவும், உறுதிப்படுத்தப்பட்ட மனித உடல்கள் இல்லாமல் நீதிமன்றம் வழங்கும் இறப்புச் சான்றிதழ்களைப் பெற முடியாததால், அவர்களால் வங்கிக் கணக்குகள், முதலீடுகள் அல்லது காப்பீட்டுக் கொள்கைகளை அணுக முடியாது என்றும் அவர் கூறினார்.

இருப்பினும், நேபாளத்தில் காணாமல் போனவர்கள் இறந்துவிட்டதாக அறிவிக்கப்படும் காலம் முன்பு இருந்த 12 ஆண்டுகளிலிருந்து, 45 நாட்களாகக் குறைக்கப்பட்டுள்ள நேபாளத்தின் சமீபத்திய முடிவு இந்தச் சிக்கலை விரைவாகத் தீர்க்கும் என்றும், அந்த 45 நாள் வரம்பு ஏற்கனவே கடந்துவிட்டதாகவும் அவர் குறிப்பிட்டார்.