மத்திய வங்கி ஆளுநர் அப்துல் ரஷீத் கஃபூர் உள்ளிட்ட தங்களின் மூத்த அதிகாரிகளைப் போல ஆள்மாறாட்டம் செய்ய, மோசடி கும்பல்கள் போலி தொழில்நுட்பத்தைப் பயன்படுத்துவது குறித்து மலேசியர்கள் விழிப்புடன் இருக்குமாறு மலேசிய மத்திய வங்கி (BNM) வலியுறுத்தியுள்ளது.

மத்திய வங்கியோ அல்லது செக்யூரிட்டிஸ் கமிஷன் மலேசியாவோ (SC) எந்தவொரு தனியார் முதலீட்டுத் திட்டங்களையும் விளம்பரப்படுத்துவதோ அல்லது பரிந்துரைப்பதோ இல்லை என்று மலேசிய மத்திய வங்கி (BNM) தனது அறிக்கையில் திட்டவட்டமாகத் தெரிவித்துள்ளது.

பொதுமக்கள் எந்தவொரு பணப் பரிவர்த்தனைகளையும் செய்வதற்கு முன்பாக, முதலீட்டுத் திட்டங்கள் குறித்து தங்களுக்குக் கிடைக்கும் தகவல்களை அதிகாரப்பூர்வ ஆதாரங்கள் மூலம் சரிபார்த்துக் கொள்ளுமாறு கேட்டுக்கொண்டுள்ளது.

மோசடி செய்பவர்களால் வெளியிடப்பட்ட, தொடர்பான போலி உள்ளடக்கங்களின் உதாரணங்களைக் கொண்ட ஒரு இணையப்பக்கத்தை மத்திய வங்கி அமைத்துள்ளது. பொதுமக்கள், அதிகாரிகளால் எச்சரிக்கப்பட்ட திட்டங்கள் அல்லது நிறுவனங்களைக் கண்டறிய அதன் நிதி நுகர்வோர் எச்சரிக்கை பட்டியலையோ அல்லது செக்யூரிட்டிஸ் கமிஷன் மலேசியா (SC) இன் முதலீட்டாளர் எச்சரிக்கை பட்டியலையோ சரிபார்க்கலாம்.

மேலும், ஒரு நிறுவனம் நிதி அல்லது முதலீட்டு தயாரிப்புகளை வழங்க அங்கீகாரம் பெற்றுள்ளதா என்பதை ‘பிஎன்எம்லிங்க்’ அல்லது செக்யூரிட்டிஸ் கமிஷன் மலேசியா (SC) இன் முதலீட்டு சரிபார்ப்பு இணையப்பக்கம் மூலமாகப் பயனர்கள் சரிபார்த்துக் கொள்ளலாம்” என்றும் கூறப்பட்டுள்ளது.

இத்தகைய போலி உள்ளடக்கங்கள் பரவுவதைத் தடுக்க உதவ, சந்தேகத்திற்கிடமான பதிவுகள் குறித்து சம்பந்தப்பட்ட சமூக ஊடகத் தளங்களில் புகார் செய்யுமாறு அல்லது மலேசிய மத்திய வங்கி (BNM) அல்லது செக்யூரிட்டிஸ் கமிஷன் மலேசியா (SC) அமைப்புகளுக்குத் தகவல் தெரிவிக்குமாறு அது கூறியுள்ளது.

 

 

-fmt