காஜாங்  இடைத்  தேர்தல்  பற்றி  இல்லாததும்  பொல்லாததும்  சொல்லப்படுவதை  மக்கள்  பொருட்படுத்தக்  கூடாது  என்றுரைத்து    பிகேஆருக்குத்  தன்  ஆதரவு  என்றென்றும்  உண்டு  என்பதை  டிஏபி  உறுதிப்படுத்திக் கொண்டிருக்கிறது.

இடைத்  தேர்தல் கூட்டரசு  அரசாங்கத்துக்கும்  மாநில  அரசுக்கும்  மக்களிடமுள்ள  ஆதரவை  அளவிட  உதவும்  என  டிஏபி  தேசிய  தலைவர்  கர்பால்  சிங்  கூறினார்.

இடைத்  தேர்தல்,   விலை  உயர்வு,  மனித  உரிமைமீறல்கள், குற்றச்செயல்  அதிகரிப்பு  முதலிய  விவகாரங்களை  மக்களிடம்  எடுத்துச்சொல்ல  பக்காத்தானுக்கு  ஒரு  வாய்ப்பாக  அமையும்.  அதேபோல்  அவை  தொடர்பில்  தனது  பக்க  நியாயத்தை எடுத்துரைக்க  பிஎன்னுக்கும்  அது  வாய்ப்பை  அளிக்கும்  என்றாரவர்.