டிஏபி-இன்  நடவடிக்கையால்,  1969  மே  13-இல்  நிகழ்ந்ததைப்போன்ற  இரத்தக்களறி  மீண்டும்  ஏற்படும்  அபாயம்  இருப்பதாக  ஈக்காத்தான்  முஸ்லிம்   மலேசியா (இஸ்மா),எச்சரித்துள்ளது.

மற்றவற்றோடு   டிஏபி,  இஸ்லாமிய  நாடான  மலேசியாவை  இஸ்லாம்-அல்லாத  நாடாக  மாற்ற  முயல்கிறது  என்று  இஸ்மா  உதவித்  தலைவர்  அப்துல்  ரஹ்மான்  மாட்  டாலி குற்றம்  சாட்டினார்.

டிஏபியும்  சீனர்களும்  எழுப்பும்  விவகாரங்கள்  மலேசியாவின்  ஒற்றுமையையும்  நல்லிணக்கத்தையும்  அழித்து  விடும்  என்றாரவர்.

டிஏபி அதன்  ‘மலேசியர்  மலேசியா’  கோட்பாட்டின்  அடிப்படையில்  பரப்பும் சோசலிச,  சமயச்  சார்பற்ற  கருத்துகளும்  இனங்களிடையே  சமத்துவத்தை  வலியுறுத்துவதும் இஸ்லாத்துக்கும்  அரசமைப்பும்  விரோதமானவை.