பிரதமர்  நஜிப்  அப்துல்  ரசாக்,  மலேசிய  இண்ட்ராப்  சங்கத்துடன்  செய்துகொண்ட  புரிந்துணர்வு  ஒப்பந்தப்படி  நடந்துகொள்ளாமல்  ஏமாற்றி  விட்டார்  என்பதால்  இனி  அவர்மீது  இந்திய  சமூகத்துக்கு  அறவே  நம்பிக்கை வராது  என  இண்ட்ராப்  செயலாளர்  பி.ரமேஷ்  கூறினார்.

நிலைமை  இவ்வாறிருக்க,  தெலோக்  இந்தான்  இடைத்  தேர்தலில்  இந்தியர்களின்  வாக்கு  பிஎன்னுக்கு  ஆதரவாக  திரும்பும்  என்று  மஇகா  இளைஞர்  தலைவர்  பி.புனிதன்  அறிக்கை  விடுத்திருப்பது  வேடிக்கையாக  உள்ளது  என்றாரவர்.

“ஒப்பந்தம்  செய்துகொண்டபின்னர்  பிஎன்  13வது  பொதுத்  தேர்தலில்  கொடுத்த  வாக்குறுதிகளை  நிறைவேற்றாமல்  ஏமாற்றியதை  இந்தியர்கள்  மறக்கவில்லை”,  என்றாரவர்.

தங்களைப்  பிரதிநிதிப்பதாகக்  கூறிக்கொள்ளும்  மஇகாமீதும்  இந்தியர்கள்  நம்பிக்கை  இழந்து  விட்டார்கள்.

“மஇகா-வை மக்கள்  மதிப்பதில்லை.  அதன்  தலைவர்கள்  இந்திய  சமூகத்தை  மறந்த  சுயநலமிகளாகத்தான்  பார்க்கப்படுகிறார்கள்”, என்று  ரமேஷ்  ஓர்  அறிக்கையில்  கூறினார்.