இஸ்லாமாபாத்:பாகிஸ்தான் பழங்குடியின பகுதியில் பதுங்கியிருந்த தலிபான் பயங்கரவாதிகள் மீது, அமெரிக்க ஆளில்லா விமானங்கள், குண்டுகளை வீசி தாக்குதல் நடத்தியதில், 16 பேர் கொல்லப்பட்டனர்.பிரதமர் நவாஸ் ஷெரீப் தலைமையிலான பாகிஸ்தான் நாட்டின் கராச்சி நகரில் உள்ள சர்வதேச விமான நிலையத்திற்குள், மூன்று நாட்களுக்கு முன் புகுந்த பயங்கரவாதிகள், கொடூர தாக்குதல் நடத்தியதில், 39 பேர் கொல்லப்பட்டனர்.அதையடுத்து, ஆளில்லா விமான தாக்குதலை, பாகிஸ்தான் துவக்கியது. அந்நாட்டின் வடமேற்கு பகுதியில், பழங்குடியின மக்கள் வசிக்கும் பகுதியில் பதுங்கியிருந்த, 15 பயங்கரவாதிகள் கொல்லப்பட்டனர்.பாகிஸ்தானின் வேண்டுகோளின் படி, அந்நாட்டின் வடக்கு பகுதியில், ஆளில்லா விமான தாக்குதலை, கடந்த சில மாதங்களாக நிறுத்தி வைத்திருந்த அமெரிக்காவும் நேற்று தாக்குதல் நடத்தி, 16 பயங்கரவாதிகளை கொன்றது.