முகைதின்  யாசின்  துணைப் பிரதமர்  பதவியிலிருந்து  விலகுகிறார்  என்ற  வதந்தி  பலருக்கு  வியப்பைத்  தரலாம். ஆனால்,  முன்னாள்  அமைச்சர்  சைனுடின்  மைடின்  அதைக்  கேட்டு  சிறிதும்  வியப்படைவில்லை.

முகைதின்  பதவிவிலகும்  எண்ணம்  கொண்டிருப்பதை  அவரின்  நெருக்கமான  நண்பர்கள் அறிந்தே  உள்ளனர்  என முன்னாள்  பிரதமர்  டாக்டர்  மகாதிர்  முகம்மட்டுக்கு  மிகவும்  அணுக்கமானவரான  சைனுடின் கூறினார்.

“வயதை  அவர்  ஒரு  காரணமாகக்  கூறினாலும், பல  விவகாரங்களில்  அவர்  ஏமாற்றம்  அடைந்திருக்கிறார்”, என  அந்த  முன்னாள்  தகவல்  அமைச்சர்  தெரிவித்தார்.

அவரது  ஏமாற்றங்களுக்கான  காரணத்தை அவர்  விவரிக்கவில்லை.

ஆனால், முகைதின் தாம்  பதவி  விலகுவதாக பரவி  வரும்  வதந்திகளை  மறுத்துள்ளார்.

இதனிடையே, உள்துறை  அமைச்சர்  அஹ்மட் ஜாஹிட்  மாற்றப்படுவார்  என்ற  பேச்சும்  அடிபடுவதாக  மைடின்  குறிப்பிட்டார்.

ஜாஹிட்டின்  இடத்துக்கு  இப்போது   சுற்றுலா  அமைச்சராகவுள்ள  நஸ்ரி  அப்துல்  அசீஸ்  நியமிக்கப்படுவாராம்